काठमाडौं- कर्तव्य ज्यान मुद्दामा २० वर्ष कैद सजाय सुनाइएका एक व्यक्तिलाई प्रहरीले ३४ वर्षपछि पक्राउ गरेको छ।
पक्राउ पर्नेमा फेटा गाउँपालिका-३ जलेश्वरका लखिचन साह कलवार छन्।
उनलाई जिल्ला प्रहरी कार्यालय बाराको टोलीले मंगलबार दिउँसो कलैया उपमहानगरपालिका-१० निलकण्डबाट पक्राउ गरेको हो।
२०४२ असार ३० गते बिहान खेतमा पानी लगाउन गएका फेटा गाउँपालिका–३ जलेश्वरका अमलदेव यादवलाई कलवारले हत्या गरेका थिए।
जग्गाको विवादको पूर्व रिसिइबीका कलवारले यादवलाई कुटपिट गरेका थिए। कुटपिटबाट गम्भीर घाइते यादव उपचार गर्न लैजाँदा बाटामै मृत्यु भएको थियो।
कर्तव्य ज्यान मुद्दामा जिल्ला अदालत बाराले २०४३ माघ १६ गते, तत्कालीन मध्यमाञ्चल क्षेत्रीय अदालतको मिति २०४६ माघ १० गते र सर्वोच्च अदालतले २०६० भदौ ४ गते कलवारलाई २० वर्ष कैदको फैसला सुनाएको थियो।
कलवार घटना पश्चात नै आफ्नो घरबाट भागे मामा गाउँ भारत बिहार मोतिहारी जिल्ला ग्राम बेलदर्वा-२ पुगेका थिए।
उनी सोही ठाउँमा घर समेत बनाएर परिवारसहित बस्दै आएका थिए। उनले बेलदर्वामा खेतीपाती गर्दै आएका थिए। बेला बेला नेपाल आउने गरेको सूचना पाएपछि प्रहरीले उनलाई मंगलबार निलकण्ठबाट पक्राउ गरेको हो।
फैसला कार्यान्वयनका लागि उनलाई वीरगञ्ज कारागार पठाइएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786602170.png)
