शुक्लाफाँटामा बाढीले जग्गा बगाएपछि १६ परिवारको बिचल्ली

ब्लग

नेपाल लाइभ बुधबार, भदौ २८, २०७४ ०९:४०

कञ्चनपुर- स्थानीय वनहरा नदीमा आएको बाढीले जग्गा कटान गर्दा कञ्चनपुरको शुक्लाफाँटा नगरपालिका– १२ दुवाहाका १६ परिवार बिचल्लीमा परेका छन्।

खेती लगाउँदै आएको झन्डै दुई बिगाहा दश कट्ठा जग्गा भदौ दोस्रो साता आएको बाढीले बगाएपछि खेतीमै आश्रित परिवार समस्यामा परेका हुन्। धान र सखरखण्डी लगाएको खेत नदीमा आएको बगर बनाइदिएको स्थानीय मंगल चौधरीले बताए।

'जग्गा बगेपछि पीडित परिवारले मजदुरी गरी दैनिक गुजारा चलाउनुपर्ने अवस्था आएको छ' उनले भन्नुभयो।

जग्गा नदीले बगाएपछि ती परिवारसँग अब घर मात्रै बाँकी छ। नेपाल रेडक्रस सोसाइटीले दातृ निकायको सहयोगमा ६० मिटर लामो अस्थायी तटबन्ध निर्माणको कार्य गरी जग्गा कटानको कार्य रोकथाम गरिरहेको छ । तटबन्ध निर्माणको कार्यमा स्थानीयले श्रमदान गरिरहेका छन् ।

तत्काल स्थायी समाधानको उपाय नगरिए जग्गा कटानको चपेटामा परेका १६ परिवारसहित अन्य परिवार गरी ३५ परिवार विस्थापनमा पर्ने भएका छन् । रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

त्रिवि शिक्षण अस्पतालमा रोकिएको स्वास्थ्य बिमा कार्यक्रम पाँच महिनापछि पुन: सञ्चालनमा

ट्रम्पले समावेशी कर्मचारीहरुलाई दिए तलबी बिदा

सुप्रिम सहकारी प्रकरण: रवि लामिछानेलाई पत्नी र वकिलको जिम्मामा छाडियो