दाङमा औद्योगिक महोत्सव सुरु, ३ लाख दर्शकले अवलोकन गर्ने अनुमान

ब्लग

नेपाल लाइभ शनिबार, पुस २९, २०७४ १५:३८

दाङ- दोस्रो राप्ती कृषि, पर्यटन, औद्योगिक तथा व्यापारिक महोत्सव शुक्रबारदेखि सुरु भएको छ।

राप्ती गाउँपालिका–१ भालुवाङ पुल्चोकस्थित निर्माणाधीन बसपार्कमा सुरु भएको महोत्सवमा डेढ सयभन्दा बढी स्टल राखिएको आयोजकले जनाएको छ।

महोत्सवमा स्थानीय कृषि उपज, हस्तकला तथा पशुजन्य उत्पादनको प्रदर्शनी, विभिन्न जातजातिको झाँकी प्रदर्शन, बाल उद्यान, रमाइलो मेला लगायतका आकर्षण गरेको महोत्सव मूल आयोजक समितिका अध्यक्ष भीमबहादुर मरासिनीले जानकारी दिए।

यसका साथै राप्तीका समग्र पर्यटन प्रवर्द्धन र विकासका लागि राप्ती नदीमा र्याकप्टिङ महोत्सवका मुख्य आकर्षण रहनेछन्।

महोत्सव अवधिभर ख्यातिप्राप्त राष्ट्रिय तथा स्थानीय कलाकारको सांगीतिक प्रस्तुति र राप्ती आइडल प्रतियोगिता समेत हुने कार्यक्रमका निर्देशक विराज विष्टले जानकारी दिए। इन्द्रेणी युवा क्लबको भवन निर्माणका लागि आयोजना गरिएको महोत्सव ११ दिनसम्म सञ्चालन हुने बताइएको छ।

करिब तीन लाख दर्शकले अवलोकन गर्ने र दुई करोड रुपैयाँको कारोबार हुने अनुमान गरिएको छ। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय स्वार्थ र आर्थिक कूटनीतिलाई उच्च प्राथमिकतामा राख्न मिसन प्रमुखहरूलाई परराष्ट्रमन्त्रीको निर्देशन

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव