कांग्रेस नेता तथा स्ववियु पूर्वसभापति माझीको निधन

ब्लग

नेपाल लाइभ शुक्रबार, पुस २८, २०७४ १०:५२

राजविराज- नेपाली कांग्रेसका निष्ठावान् नेता एवं महेन्द्र विन्देश्वरी बहुमुखी क्याम्पसका स्ववियु पूर्वसभापति राजविराज नगरपालिका–३ निवासी शशिकुमार माझीको निधन भएको छ।

नेपाल विद्यार्थी संघबाट राजनीति सुरु गरेका उनको भारतको दरभङ्गास्थित पारस अस्पतालमा उपचारका क्रममा बिहीबार निधन भएको कांग्रेसका जिल्ला सभापति दिनेशकुमार यादवले बताए।

५८ वर्षीय माझी केही समययता मिर्गौलाको रोगबाट पीडित थिए। २०३९ मा राजविराजस्थित महेन्द्र विन्देश्वरी बहुमुखी क्याम्पसको स्ववियु निर्वाचनमा उनी नेविसंघबाट सभापति पदमा निर्वाचित भएका थिए।

जिल्ला खेलकुद विकास समिति सप्तरीका अध्यक्षसमेत भइसकेका माझीलाई कांग्रेसको झन्डा ओढाएर राजविराजमा दाहसंस्कार गरियो। माझीका दुई छोरा, एक छोरी र पत्नी छन्।रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय स्वार्थ र आर्थिक कूटनीतिलाई उच्च प्राथमिकतामा राख्न मिसन प्रमुखहरूलाई परराष्ट्रमन्त्रीको निर्देशन

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव