आगो ताप्ने क्रममा निसासिएर दुई बालिकाको मृत्यु

ब्लग

नेपाल लाइभ बुधबार, पुस २६, २०७४ १५:१८

इटहरी- इटहरी उपमहानगरपालिका–६ स्थित नेपाः भवन नजिकै विष्णुकुमार लिम्बूको घरमा डेरा बस्दै आएका दुई बालिकाको निसासिएर गएराति मृत्यु भएको छ।

अत्यधिक जाडोका कारण कोठामा दाउरा र भुसको आगो बालेर ढोका थुनी सुतेको अवस्थामा आलम मिया, उनका श्रीमती र दुई छोरी निसासिएर बेहोस भएको अवस्थामा फेला परेका थिए। तर उपचारकै क्रममा आलमका दुवै छोरीको मृत्यु भएको इलाका प्रहरी कार्यालय इटहरीले जनाएको छ।

मृत्यु हुनेमा ७ वर्षीया आलिया खातुन र २ वर्षीया आयात खातुन छन्। ३५ वर्षीय आलम र उनकी २८ वर्षीया श्रीमती फोसिलाको भने उपचार भइरहेको प्रहरीले जनाएको छ।

यसैगरी इटहरी–१९ की ७० वर्षीया दैतिनीदेवी चौधरी जलेर मृत्यु भएको प्रहरी चौकी तरहराले जनाएको छ।

आफ्नै घरमा आगो ताप्ने क्रममा लगाइराखेको साडीमा आगो लागेर मंगलबार साँझ गम्भीर घाइते भएकी चौधरीको उपचारका क्रममा बिपी कोइराला स्वास्थ्य विज्ञान प्रतिष्ठान धरानमा मृत्यु भएको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय स्वार्थ र आर्थिक कूटनीतिलाई उच्च प्राथमिकतामा राख्न मिसन प्रमुखहरूलाई परराष्ट्रमन्त्रीको निर्देशन

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव