धादिङ बस दुर्घटनाका दुई घाइतेको उपचारका क्रममा मृत्यु

ब्लग

नेपाल लाइभ मंगलबार, भदौ २७, २०७४ १५:१८

धादिङ- धादिङको विशालटार नजिकै मंगलबार बिहान भएको बस दुर्घटनाका घाइतेमध्ये दुई जनाको उपचारका क्रममा मृत्यु भएको छ।

काठमाडौंमा उपचार गर्ने क्रममा नवलपरासी जिल्ला सुस्ता गाउँपालिका–५ निवासी ६५ वर्षीय रमाशंकर सिंह र ३० वर्षीय बच्चु रामको मृत्यु भएको हो । रमाशंकरको स्टार अस्पताल बल्खु र रामको ट्रमा सेन्टर, वीर अस्पतालमा मा मृत्यु भएको हो।

काठमाडौंबाट ४४ यात्रु लिएर नवलपरासीको त्रिवेणीका लागि गुडेको लु २ ख ६६३० नम्बरको यात्रुबस धादिङको बेनीघाट रोराङ गाउँपालिका–५ स्थित सडकबाट करिब एक सय मिटर तल खसेको थियो।

दुर्घटनामा ३१ जना घाइते भएकामा उपचारका लागि आठ जनालाई ट्रमा सेन्टरमा पठाइएको थियो । ट्रमा सेन्टरमा पठाइएका बिरामीमध्ये केहीलाई स्टार अस्पतालमा समेत लगिएको थियो।

हाल पाँच जना घाइतेको स्टार अस्पताल, एक जना ट्रमा सेन्टर, चार जनाको गजुरीस्थित प्राथमिक स्वास्थ्य केन्द्र र अन्यको राजमार्ग सामुदायिक अस्पताल मलेखुमा उपचार भइरहेको प्रहरीले जनाएको छ । रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कञ्चनपुरमा डिउटीमा रहेका प्रहरीले आफैंलाई गोली हाने, अवस्था गम्भीर

अहिल्यै सरकार परिवर्तन हुने कुनै कारण छैन : कांग्रेस नेता कोइराला

सङ्खुवासभाबाट एक अर्ब बढीको अलैँची निर्यात