अनसनस्थलबाटै पक्राउ परेका गोविन्द केसीको समर्थनमा मंगलबार बिहान प्रदर्शन

ब्लग

नेपाल लाइभ मंगलबार, पुस २५, २०७४ ०७:२५

काठमाडौं- अदालत अवहेलनाको मुद्दामा पक्राउ परेका डा गोविन्द केसीको समर्थनमा आज बिहान ८ बजे माइतीघरमा प्रदर्शन हुने भएको छ।

डा केसी पक्राउको विरोध गर्दै ‘सोलिडारिटी फर डा केसी एलायन्स’को आयोजनामा प्रदर्शन हुन लागेको हो। एलायन्सले डा केसीको हरेक अनसनमा साथ दिँदै आएको छ।

डा केसीलाई सोमबार राति ८ बजे अनसनस्थलबाट नै पक्राउ गरिएको हो। डा केसीले सर्वोच्च अदालतका प्रधानन्यायाधीश गोपाल पराजुलीको राजीनामा र उनले गरेका कामहरु बारे छानबिन गर्न माग गरेका छन्।

डा केसीले चार वर्षअघि बरखास्तमा परेका आइओएमका डिन डा शशि शर्मालाई सर्वोच्चले पुनर्बहाली गरेपछि सोको विरोध गरेका थिए। सोही प्रकरणमा उनले सोमबार दिउँसोबाट अनसन सुरु गरेका छन्। प्रहरी हिरासतमा रहेका डा केसीले त्यहाँ पनि अनसन जारी राखेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विपक्षी दलहरूले आज संयुक्त पत्रकार सम्मेलन गर्दै

नेपाल-भारत सीमास्तम्भको मर्मत सुरु

भल्कोटमा अझै जीवित छ सयौँ वर्ष पुरानो ‘पुतली नाच’