साउन १ गतेबाट इन्टरनेटको शूल्क बढ्ने

सूचना-प्रविधि

नेपाल लाइभ बुधबार, असार २५, २०७६ ११:२८

काठमाडौं– आगामी साउन १ गतेदेखि इन्टरनेटको शूल्क बढ्ने भएको छ।

निजी क्षेत्रका इन्टरनेट सेवा प्रदायक कम्पनीहरुले साउन १ गतेबाट इन्टरनेट सेवा प्रयोग गरेवापत लिँदै आएको शूल्क बढाउने निर्णय गरेका छन्।

इन्टरनेट सेवा दिँदै आएका सेवा प्रदायकहरुको छाता संगठन इस्पानले नेपाल सरकारको निर्णय नुसार थप १३ प्रतिशत शूल्क बढ्ने जानकारी गराएको हो। इस्पानले सरकारले २०७६ का लागि ल्याएको आर्थिक विधेयकानुसार थप १३ प्रतिशत शुल्क बढ्ने जनाएको छ।

क्लासिक टेकले आफ्ना सेवाग्राहीलाई म्यासेजमार्फत् आगामी साउन १ गतेबाट अहिले लिँदै आएको शूल्कमा थप १३ प्रतिशत दुरुसञ्चार सेवा शूल्क थपिने जानकारी गराइसकेको छ।

तर, यो शूल्क मोबाइल सेवा प्रदायकहरुले दिँदै आएको मोबाइल इन्टरनेटमा भने लागू हुनेछैन। साथै, नेपाल टेलिकम पनि इस्पान सदस्य नभएको हुँदा टेलिकमको इन्टरनेट सेवामा पनि शूल्क लाग्ने नलाग्ने कुनै निर्णय भएको छैन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुलमानले बुझाए कार्यसम्पादन प्रतिवेदन, ९८.९९ प्रतिशत अंक दाबी

सहकारी ठगी प्रकरण: धरौटी बुझाएर छुटिन् लीला पछाईं

स्थलमार्ग हुँदै काठमाडौं आउँदै रवि लामिछाने