राजविराज– पर्याप्त तातो र झोलिलो खाना तथा ओढ्ने, ओछ्याउने र लगाउने कपडा अभावमा यतिबेला सप्तरीका दलित र विपन्न परिवारमा रुवावासी छ। शीतलहरले एकपछि अर्को गर्दै परिवारका सदस्य गुमाउनुपर्दा उनीहरुमा पीडा थपिँदै गएको छ।
शनिबार मात्रै कञ्चनरुप र डाकनेश्वरी नगरपालिका तथा अग्निसाइर कृष्णा सवरण र तिलाठी कोइलाडी गाउँपालिकामा गरी एक बालकसहित ५ जनाले ज्यान गुमाएका छन्।
यो सहित सप्तरीमा शीतलहरका कारण मृत्यु हुनेको संख्या १२ पुगेको छ।
कञ्चनरुप–४ जगतपुरका ललित चौधरीका ७ महिने छोरा गणेश चौधरीको निमोनियाका कारण मृत्यु भएको छ। चिसो लागेपछि स्थानीय क्लिनिकमा देखाउँदा निमोनियाको शंका गरेपछि थप उपचारका लागि विराटनगर लाँदै गर्दा बाटोमै बालकको मृत्यु भएको छिमेकी राजकुमार पासवानले जानकारी दिए।
यस्तै, खडक नगरपालिका–८ मुसरनिया बस्ने ७० वर्षीय मुसहरु चौधरीको पनि मृत्यु भएको स्थानीयवासीले बताए।
सप्तरीका डिएसपी ध्रुवकुमार श्रेष्ठका अनुसार शनिबार राति कृष्णा सवरण गापा ४ का ६० वर्षीय लखन ठाकुरको पनि चिसोका कारण मृत्यु भएको छ। यस्तै, तिलाठी कोइलाडी गाउँपालिका ७ का ३६ वर्षीय शिवु मण्डलको पनि शनिबार राति जाडोले मृत्यु भएको वडा अध्यक्ष गुलाव सिंहले जानकारी दिए।
स्थानीय अनिलकुमार यादवका अनुसार चिसोकै कारण शनिबार राति डाकनेश्वरी नगरपालिका ८ की ५५ वर्षीया झौली यादवको पनि मृत्यु भएको छ।
यसअघि तिलाठी कोइलाडी गाउँपालिका २ लौनियाँका ५५ वर्षीय सुजान ठाकुर, महदेवा गाउँपालिका २ का ५८ वर्षीय सुकदेव यादव, राजविराज नगरपालिका २ का ६० वर्षीया नाजो बेगम र १० का ६५ वर्षीया कैलीदेवी खंग, छिन्नमस्ता गाउँपालिका १ का ३५ वर्षीय रामदयाल राम, ३६ वर्षीय कुलदीप राय र ७२ वर्षीया रजियादेवी रायको जाडोका कारण मृत्यु भएको थियो।
यसअघि तिलाठी कोइलाडी गाउँपालिका २ लौनियाँका ५५ वर्षीय सुजान ठाकुर, महदेवा गाउँपालिका २ का ५८ वर्षीय सुकदेव यादव, राजविराज नगरपालिका २ का ६० वर्षीया नाजो बेगम र १० का ६५ वर्षीया कैलीदेवी खंग, छिन्नमस्ता गाउँपालिका १ का ३५ वर्षीय रामदयाल राम, ३६ वर्षीय कुलदीप राय र ७२ वर्षीया रजियादेवी रायको जाडोका कारण मृत्यु भएको थियो।
सप्तरीमा दलित र विपन्न समुदायका व्यक्तिहरु चिसोबाट बढी प्रभावित भएका छन्। जसमा बालबालिका, वृद्ध र बिरामी बढी समस्यामा छन्। दलितमध्ये पनि मुसहर समुदाय चिसोको चपेटामा परेका छन्।
‘कतिपय परिवारमा परालको ओछ्यान र सुकुलको ओढ्नेले रात गुजारा गर्नुपर्ने अवस्था छ’, सञ्चारकर्मी समेत रहेका स्थानीयवासी मनोजकुमार माझी भन्छन्, ‘त्यस्ता परिवारका लागि राज्य स्तरबाटै राहतको व्यवस्था गर्न नसके थप क्षति हुन सक्छ।’
चिसोले जनजीवन थप कष्टकर हुँदै गए पनि स्थानीय प्रशासन तथा स्थानीय तहले हालसम्म पनि पर्याप्त दाउरा र चिसोबाट वच्ने वैकल्पिक व्यवस्था गर्न सकेका छैनन्। दाउरा नपाएपछि स्वास्थ्य र वातावरणलाई नै असर पुग्नेगरी सर्वसाधारणले टायर बालेर आगो ताप्न थालेका छन्।
अस्पतालमा बिरामीको चाप
निरन्तरको शीतलहरसँगै सप्तरीका सरकारी तथा निजी अस्पतालहरुमा बिरामीको संख्या थपिने क्रम जारी छ। अत्यधिक चिसोका कारण बिरामी पर्नेहरुको संख्या बढ्दै गएको राजविराजस्थित सगरमाथा अञ्चल अस्पतालले जनाएको छ।
निमोनिया, पखाला, रुघाखोकी, ज्वरो लगायतका बिरामी बढेको अस्पतालका मेडिकल सुपरिटेन्डेन्ट डा दयाशंकरलाल कर्णले बताए। एक सातायता २ सयभन्दा बढी बिरामी अस्पताल भर्ना भएको उनले जानकारी दिए। बिरामीको बढ्दो चापका कारण बेड अभाव भएपछि भुइँमा समेत राखेर उपचार भइरहेको छ।
निजी विद्यालयका विद्यार्थी समस्यामा
शीतलहरले जनजीवन कष्टकर भएपछि सप्तरीका सामुदायिक विद्यालयहरुमा बिदा दिइए पनि निजी विद्यालयहरु भने हालसम्म बन्द गरिएको छैन। शिक्षा समितिले जिल्लाका ४ सय १२ सामुदायिक विद्यालय बिहिबारदेखि नै बन्द गरिसकेको छ।
यतिबेला परीक्षा सञ्चालन गरिरहेका निजी विद्यालयले विद्यार्थीको स्वास्थ्यभन्दा पनि पैसालाई बढी प्राथमिकता दिएको भन्दै आलोचना हुन थालेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
