पाँच दिनपछि घाम देखिएपछि महोत्तरीवासीलाई राहत

ब्लग

नेपाल लाइभ शुक्रबार, पुस २१, २०७४ १२:२०

बर्दिवास- एकाबिहानै झलमल्ल घाम लागेपछि महोत्तरी जिल्लाका गाउँ/नगर बस्तीमा खुसी छाएको छ।

गत सोमबारदेखि बाक्लो हुस्सुले ढाकेर चिसो स्याँठ खेपिरहेका यहाँका बासिन्दालाई आज एकाबिहानै पारिलो घाम लागेपछि ठूलो राहत मिलेको हो।

गत सोमबारदेखि बाक्लो हुस्सु लागेसँगै लगातार चिसो सिरेटो बहँदा यहाँका बासिन्दा जाडोले कठ्याङ्ग्रिएर बस्नुपरेको थियो। बिहीबार दिउँसो जिल्लाको उत्तरी क्षेत्रमा घाम देखिए पनि आज पाँच दिनपछि घाम देखिएको हो।

न्यानो भएपछि यहाँका बजारमा ह्वात्तै चहलपहल बढेको छ। जाडोले कुँजिएका वृद्धवृद्धा घाम ताप्न घरबाहिर निस्केका छन्। पारिलो घाम लागेपछि स्कुले नानीहरु खुशीले दङ्ग पर्दै खेलकुद र पठनपाठनमा लागेका देखिन्छन्।रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सरकारले अध्यादेश ल्याएर कानुन सुधार गर्न खोजेकोप्रति निजी क्षेत्र उत्साहित रहेको गगन थापाको दाबी

डा. निकोलस भुसाललाई ५० हजार धरौटीमा छाड्न अदालतको आदेश

जिबी राईको राहदानी रद्द गर्न अदालतको अनुमति