एजेन्सी– सन् २०१९ काे ६ महिनामा बलिउडले निकै राम्रा फिल्म दिएको छ। यी हुन् यो ६ महिनामा प्रदर्शन भएका बलिउडका टप १० फिल्म:
नम्बर १० : बदला
कलेक्सन : ८८.०२ करोड
रिजल्ट : हिट
अमिताभ बच्चन र तापसी पन्नु अभिनित यो थ्रिलर फिल्म बक्स अफिसमा हिट भएको छ। सानो बजेटमा बनेको यो फिल्मले सानदार कमाइ गरेको छ।
नम्बर ९ : लुका छिपी
कलेक्सन : ९४.१५ करोड
रिजल्ट : हिट
एउटा अर्को सफल फिल्म कार्तिक आर्यनको खातामा पर्न गएको छ। लुका छिपीको विषय अरु फिल्मभन्दा फरक थियो। त्यसैले यो फिल्मलाई दर्शकले निकै मन पराए।
नम्बर ८ : मर्णिकर्णिका–द क्विन अफ झाँसी
कलेक्सन : ९४.९२
रिजल्ट : फ्लप
नायिकाप्रधान हुँदाहुँदै पनि यो फिल्मले ठिकठिकै व्यापार ग¥यो। तर महँगो लागत भएका कारण यो फिल्मले घाटा व्यहोर्नुप¥यो। फिल्मको घाटा त्यति ठूलो भने थिएन।
नम्बर ७ : दे दे प्यार दे
कलेक्सन : १०२.४० करोड
रिजल्ट : औसत
अजय देवगन अभिनित यो फिल्मले प्रशंसा त निकै बटुल्यो तर कलेक्सन भने अपेक्षाअनुसार गर्न सकेन। बक्स अफिसमा यो फिल्मले लागत त उठायो तर नाफा भने निकै थोरै कमायो।
नम्बर ६ : गली ब्वाय
कलेक्सन : १३९.३८ करोड
रिजल्ट : सेमी हिट
रणवीर सिंह अभिनित यो फिल्मले पनि राम्रै कमाइ ग¥यो। साना सहरमा खासै नचले पनि यो फिल्मलाई ठूला सहरमा भने निकै रुचाइयो।
नम्बर ५ : केसरी
कलेक्सन : १५३ करोड
रिजल्ट : हिट
अक्षय कुमारले नायकको रुपमा अभिनय गरेका फिल्ममध्ये सबैभन्दा बढी कमाइ गर्ने फिल्म सावित भयो केसरी। यो फिल्म बक्स अफिसमा राम्रो प्रदर्शन भयो।
नम्बर ४ : टोटल धमाल
कलेक्सन : १५४.३०
रिजल्ट : सेमी हिट
धमाल सिरिजको यो फिल्ममा थुप्रै कलाकारले अभिनय गरेका थिए। टोटल धमालले बक्स अफिसमा १५० करोड भन्दा बढी कलेक्सन ग¥यो। निर्माण लागत निकै कम रहेकाले यो फिल्मलाई सेमी हिट मानिएको हो।
नम्बर ३ : कबीर सिंह
कलेक्सन : २०० करोड प्लस
रिजल्ट : ब्लकबस्टर
यो फिल्मको सफलताले बलिउडलाई नै आश्चर्यचकित बनाइदियो। दुई हप्ता पनि नपुग्दै २०० करोड क्लबमा सामेल भयो कबीर सिंह। यो फिल्म शाहिद कपुरको करिअरकै सबैभन्दा हिट फिल्म बन्न पुग्यो।
नम्बर २ : भारत
कलेक्सन : २०९.३६ करोड
औसत
सलमान खानको यो फिल्मले केही मुनाफा त कमायो तर खास जम्न भने सकेन। यो फिल्मले ३०० करोडको आँकडा पार गर्ने अपेक्षा गरिएको थियो। तर, दर्शकलाई खासै उत्साहित गर्न सकेन।
नम्बर १ : उरीः द सर्जिकल स्ट्राइक
कलेक्सन : २४४.०६
रिजल्ट : ब्लकबस्टर
उरीः द सर्जिकल स्ट्राइकमा कोही सुपरस्टार थिएनन् तर फिल्मको विषय जोरदार भएकाले दर्शकले खुब मन पराए। यो फिल्मले यति ठूलो व्यवसाय गर्छ भन्ने कसैलाई अनुमान नै थिएन।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।