काठमाडौं- प्रेस पास र सञ्चार अभिलेखका कार्य अब प्रदेश सरकारको सञ्चार रजिस्ट्रारको कार्यालयबाट हुने भएको छ।
आमसञ्चारका माध्यम एफएम रेडियो, स्याटलाइट बाहेकका टेलिभिजन र अनलाइन दर्ता र नवीकरण सञ्चार रजिस्ट्रारको कार्यालयबाट हुने भएको हो। प्रदेश ३ मन्त्रिपरिषद्को असार ९ गतेको बैठकले प्रदेश सञ्चारमाध्यम नियमावली ०७६ स्वीकृत गरेपछि प्रदेश अन्तर्गतका आमसञ्चार माध्यमको दर्ता, नवीकरण र अभिलेख राख्न बाटो खुलेको हो।
एक सय वाटभन्दा माथि एक हजार वाटसम्मका एफएम रेडियो, स्याटेलाइट बाहेकका टेलिभिजन, अनलाइनको दर्ता र नवीकरण प्रदेश ३ बाटै हुने भएको हो। संवैधानिक व्यवस्थाका आधारमा तयार गरिएको प्रदेशको अधिकार तथा कार्य विस्तृतिकरणलाई पालना गर्दै बनेका प्रदेश सञ्चार माध्यम व्यवस्थापन ऐन २०७५ र नियमावली २०७६ ले ती अधिकार प्रदेशमा लगेको हो।
प्रदेश ३ सरकारले २०७५ मंसिर ११ गते प्रदेश सञ्चार माध्यम व्यवस्थापन विधेयक पारित गरेको थियो।
सञ्चार तथा सूचना प्रविधि मन्त्रालयले ०७५ चैत २१ गते एक सय वाटभन्दा माथि एक हजार वाटसम्मका एफएम प्रसारण र केवुलमा आधारित टेलिभिजन प्रसारणको इजाजत, नवीकरण र नियमनका लागि कागजात तथा फाइलहरु पठाउन सकिने निर्णय गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771592819.png)
