साउनबाट देशभर बक्सअफिस लागू हुन्छ : मन्त्री बाँस्कोटा

इन्टरटेनमेन्ट लाइभ

साउनबाट देशभर बक्सअफिस लागू हुन्छ : मन्त्री बाँस्कोटा १५ चलचित्रकर्मी ‘चलचित्रकर्मी विशिष्ट योगदान' बाट सम्मानित

नेपाल लाइभ सोमबार, असार १६, २०७६ १६:१५

काठमाडौं- सञ्चार तथा सुचना प्रविधि मन्त्री गोकुल बाँस्कोटा यही आउँदो साउनबाट देशभरका सिनेमा हलमा बक्स अफिस प्रणाली लागू हुने बताएका छन्।

सोमबार चलचित्र विकास बोर्डले आफ्नो १९ औं वार्षिक उत्सबको अवसरमा आयोजना गरेको वार्षिक उत्सब तथा सम्मान कार्यक्रममा बोल्दै उनले यस्तो दाबी गरेका हुन् । केही साताअघिमात्रै उपत्यकाबाहिर बक्सअफिस सफ्टवेयर जडानको कार्य भने सुरु भइसकेको। मन्त्री बाँस्कोटाले सोही कार्यक्रममा टेलिभिजनमा क्लिन फिल्ड लागू गर्ने विषयबाट सरकार पछि नहट्ने समेत बताए। उनले नेपालमा इन्डोर सुटिङ स्टुडियो निर्माण गर्ने र नेपालमा १८० दिन सिनेमा हलमा अनिवार्य नेपाली चलचित्र प्रदर्शन नियम लागू गर्ने समेत बताए।

यस्तै राज्यले नेपाली फिल्मको विकासका लागि नेपाल चलचित्र विकास कम्पनी लिमिटेड, बालाजुलाई दिइएको जग्गाको अन्यौलताबारे पनि सरकारले खोजी गर्ने विश्वास उनले फिल्मकर्मीमाझ दिलाए।

कार्यक्रममा चलचित्र क्षेत्रमा स्थापनाकालदेखि २०५० को दशकसम्म योगदान पु-याएका १५ जना चलचित्रकर्मीलाई ‘चलचित्रकर्मी विशिष्ट योगदान सम्मान–२०७६’ सम्मानित समेत गरिएको थियो। सम्मानित हुनेहरुमा वरिष्ठ निर्देशक लक्ष्मीनाथ शर्मा, अभिनेताबाट वरिष्ठ अभिनेताद्वय शिव श्रेष्ठ र भुवन के.सी., अभिनेत्रीबाट नेपाली चलचित्रकी प्रथम अभिनेत्री भुवन चन्द रहेका थिए भने संगीततर्फबाट वरिष्ठ संगीतकार शम्भुजीत बासकोटा, नृत्य निर्देशनतर्फ वरिष्ठ नृत्य निर्देशक बसन्त श्रेष्ठ, द्वन्द्व निर्देशनतर्फ वरिष्ठ द्वन्द्व निर्देशक राजेन्द्र खड्गी रहेका थिए।

यस्तै छायाङ्कनतर्फ वरिष्ठ छायाँकार मञ्जुकुमार श्रेष्ठ, ध्वनीबाट वरिष्ठ ध्वानी विशेषज्ञ प्रदीपकुमार उपाध्याय, चलचित्र निर्माणबाट वरिष्ठ चलचित्र निर्माता छविराज ओझा, प्रचारतर्फबाट पोष्टर डिजाईनर सुन्दर श्रेष्ठ, चलचित्र पत्रकारिता तर्फबाट विजयरत्न तुलाधार, चलचित्र विज्ञापन निर्माणतर्फबाट विज्ञापनका निर्माता निर्मलराज पौडेल, सञ्चार क्षेत्रबाट कामना पब्लिकेशन र नेपाली चलचित्रमा विदेशीको योगदान अन्तर्गत जापानी नागरिक डा. तोसिआकी इतोहलाई समेत विशेष सम्मानबाट सम्मानित गरिएको थियो।

चलचित्र भवनतर्फ नेपाली चलचित्रको प्रदर्शन मार्फत् विकास र विस्तारमा योगदान पु-याउने चार ओटा हललाई सम्मान गरिएको थियो। सम्मानित हुने हलहरुमा काठमाडौंको विश्वज्योति सिनेमा भवन, विर्तामोडको श्रीकृष्ण चलचित्र मन्दिर, पोखराको विन्ध्यवासिनी चलचित्र भवनलाई र मल्टिप्लेक्सतर्फ क्यूएफएक्स सिनेमा समुह रहेको थियो।

यस्तै ०७५ सालमा प्रदर्शित नेपाली चलचित्रमध्ये तीन ओटा चलचित्र ‘गोपी’, ‘बुलबुल’ र ‘कथा ०७२’ लार्ई विशेष चलचित्रका रुपमा सम्मानित गरियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कक्षा १२ को परीक्षा दिँदै ६८ वर्षीय लालबहादुर

भारत–पाकिस्तान तनावले नेपालमा आर्थिक संकटको जोखिम, पूर्व गभर्नर चिरञ्जीवी नेपालको चेतावनी

तीन दिवसीय कार्यक्रमका साथ बुद्धजयन्ती मनाइँदै