काठमाडौं– काठमाडौंका चोक तथा गल्लीहरुबाट पछिल्लो एक सतादेखि फोहोर उठ्न सकेन। चोकचोकमा थुप्रिएका फोहोरका डंगुरले वातावरण दुर्घन्धित हुँदा यात्रुहरु नाक थुनेर हिँड्न बाध्य भए। अर्कातर्फ फोहोरका कारण रोगको संक्रमण हुने हो कि भन्ने चिन्तामा स्थानीयहरु भेटिए।
कतिपयले जिम्मेवारी पाएका निकायले काम गर्न नसकेको आरोप लगाइरहेका थिए। शनिबार एक कार्यक्रममा प्रधानमन्त्री केपी शर्मा ओलीले आफू प्रधानमन्त्री भएपछि काठमाडौंका जनताले मास्क लगाउन छोडेको टिप्पणी गरिएको भिडियो सामाजिक सञ्जालमा भाइरल भइरहँदा चोकचोकमा थुप्रिएको फोहोरको दुर्गन्धले जनता भने सडकमा यात्रा गर्दा नाक थुनिरहेका थिए।
काठमाडौंमा यस्तो अवस्था आउनुको कारण थियो ‘ल्यान्डफिल्ड साइट’ बन्द हुनु। नुवाकोटको ककनी गाउँपालिका–२ स्थित सिसडोलका स्थानीयवासीले क्षतिपूर्ति पुनरावलोकनलगायत माग गर्दै ‘ल्यान्डफिल्ड साइट’ एक सातादेखि बन्द गराएका थिए। ‘ल्यान्डफिल्ड साइट’का लागि उपयोग भइरहेको जग्गा अधिग्रहण गरिनुपर्ने माग पीडितको थियो। फोहोर फाल्ने तर आफूहरुलाई बेवास्ता गर्ने गरिएको स्थानीयको आरोप छ।
सहरका चोक तथा गल्लीहरु यही आन्दोलनका कारण दुर्गन्धित भइरहेका थिए।
फोहोर व्यवस्थापनको जिम्मेवारी पाएको काठमाडौं महानगरले शुक्रबारदेखि सिसडोलबासीसँग छलफल थालेको थियो। छलफलका क्रममा शनिबार प्रहरी र स्थानीयबीच झडप पनि भयो। केही स्थानीय र प्रहरी घाइते पनि भए। अन्ततः महानगरपालिका, स्थानीय जनप्रतिनिधि र आन्दोलनरत सिसडोलवासीबीच आइतबार अबेर मात्रै सहमति निस्कियो। सोही सहमतिको जगमा सोमबार बिहानबाटै काठमाडौंको फोहोर उठ्न थालेको छ।
सोमबार भएको वार्तामा स्थानीयको माग सम्बोधन गर्नका लागि मुआब्जा वितरणको मापदण्डको सुझाव पेस गर्न १७ सदस्यीय समिति गठन गरिएको छ। समितिलाई १५ दिनको समय दिइएको छ।
सोमबारबाट फोहोर उठेपछि राजधानी पुरानै शलीमा फर्किने प्रयासमा छ।
यसै सन्दर्भमा सोमबार राजधानीमा देखिएका केही दृश्यहरु:
.jpg)
.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
