जन्मदिन र विवाहको उपहार : विपन्नलाई न्यानो कपडा

ब्लग

नेपाल लाइभ मंगलबार, पुस १८, २०७४ ०७:१९

बनियानी, झापा- कठ्यांग्रिँदो पुसको जाडोमा विपन्नलाई न्यानो प्रदान गर्न झापामा विभिन्न सामाजिक संघसंस्था सक्रिय भएका छन्।

जिल्लामा पछिल्लो समयमा विद्यालय र विपन्न बस्तीमै गएर न्यायो कपडा बाँड्ने क्रम बढेको छ। व्यक्तिगत तथा संस्थागत रुपमै स्वीटर, कम्बल, मोजा, टोपी लगायतका सामग्री प्रदान गर्न थालिएको हो। जन्मदिन, विवाह, आफन्तको स्मृतिको अवसरमा विपन्न बस्ती, वृद्धाश्रम, विद्यालयमा गएर सहयोग दिने क्रम बढेको छ।

यस्तै, झापाको हल्दिबारी–४ जलथलमा सोमबार विपन्न तथा लोपोन्मुख सन्थाल समुदायका १२० परिवारलाई न्यानो कपडा वितरण गरिएको छ।

काठमाडौँको असनमा मुख्य कार्यालय रहेको साइ बचत तथा ऋण सहकारी संस्था र स्वर्णिम सहारा परिवारको संयुक्त पहलमा न्यानो कपडा वितरण गरिएको हो। सामाजिक कार्य गरेर नयाँ वर्ष मनाउने योजनाअनुरुप सामग्री वितरण गरिएको स्वर्णिम सहाराकी अध्यक्ष प्रिन्सेस एञ्जलले जानकारी दिए।

संस्थाले गत तिहारमा देउसी खेलेर संकलित रकममा थप सहयोग जुटाएर रु तीन लाख ५० हजार मूल्य बराबरको सामग्री वितरण गरिएको थियो। झापा क्षेत्र नं ३ का सांसद राजेन्द्र लिङ्देन लगायतले न्यानो कपडा वितरण गरेका थिए।

सांसद लिङ्देनले सामाजिक कार्यमा लागेका संस्थाले लक्षित वर्गमा राहत पुर्याएको भन्दै धन्यवाद दिए। त्यस्तै, सन्थाल समुदायका बालबालिकाका लागि शैक्षिक सामग्रीसमेत उपलब्ध गराइएको छ।रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वप्रधानमन्त्री खनालको ‘क्षितिजबाट घाम’ सार्वजनिक

भारतको तमिलनाडुमा साँढे जुधाई क्रममा सात जनाको मृत्यु, ४०० घाइते

इजरायली सैन्य कारबाही स्थग्ति गर्न संयुक्त राष्ट्र प्रमुखको आह्वान