प्रदेश २ मा एमाले भन्दा एकीकृत समाजवादी बन्यो ठूलो दल

राजनीति

नेपाल लाइभ शुक्रबार, भदौ १८, २०७८ १२:४१

काठमाडौं- प्रदेश २ को प्रदेश सभामा नेकपा एमाले विभाजित भएर बनेको नेकपा एकीकृत समाजवादी पार्टीमा बहुमत देखिएको छ।

संसदीय दलका २१ मध्ये बिहीबार प्रदेश २ को निर्वाचन आयोगको कार्यालयमा उक्त दल रोजेर सनाखत गर्ने ११ जना पुगेका हुन्। दश जना उपस्थित भएर र हाल दिल्लीमा उपचाररत डिल्लीप्रसाद उप्रेतीले हिजै साँझ निर्वाचन आयोगको स्वीकृतिमा त्यहाँस्थित नेपाली दूतावासमार्फत समाजवादी दल रोजेको पत्र आएसँगै यो सङ्ख्या ११ पुगेको हो।

सनाखत गर्नेहरूमा संसदीय दलका नेता रहेका शत्रुधन महतो, गोविन्दबहादुर न्यौपाने, नागेन्द्र यादव, खुशीमा खातुन, प्रमोद यादव, रवीन्द्र बैठा, बेची लुङ्गेली, अशोक यादव, मदन जैन श्रीवास्तव र मञ्जु यादव छन्।

सत्यनारायण मण्डल, त्रिलोकीप्रसाद, अनिता यादव, मनोजकुमार सिंह, शारदादेवी थापा, किशोरी साह कमल, लगनलाल चौधरी र जगतारैणदेवी सुँडीले मूल पार्टीमै रहने स्पष्ट पार्नाका साथै पछल्लोपटक सुन्दर विश्वकर्मा र सीता गुरुङ बिहीबार एमालेको कार्यक्रममा सहभागी भएपछि १० जना पुगेको हो।

नेता महतोले विश्वकर्मा र गुरुङले तोकिएको म्याद भदौ २२ भित्र एकीकृत समाजवादीमै आएर सनाखत गर्ने गर्ने जिकिर गरेपनि एमालेको प्रदेशस्तरीय कार्यक्रममा बिहीबार दुबै सहभागी भएकाले महतोको जिकिर नपुग्ने एमाले नेता सत्यनारायण बताउँछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

लुम्बिनीका विदेशी खेलाडी टम मूर्स नेपाल आइपुगे, चितवन राइनोज्‌मा जोडिए सोहेल तनवीर

आजदेखि काठमाडौंमा रवि लामिछानेको बयान

भारत हुँदै अवैध रुपमा कुवेत जान लागेका १३ युवतीको उद्धार