काठमाडौं– बलात्कारपछि हत्या गरिएकी कञ्चनपुरकी बालिका निर्मला पन्तको निम्ति न्याय माग गर्दै आज सिंहदरबार दक्षिणी गेटमा प्रदर्शन गरिएको छ।
_x000D_
_x000D_
घटना भएको ७० दिन नाघिसक्दा पनि हत्यारा पत्ता नलागेको भन्दै प्रदर्शनकारीले गृहमन्त्री रामबहादुर थापा बादल र आइजिपी सर्वेन्द्र खनालको राजीनामा माग गरेका छन्। प्रदर्शनकारीले गृहमन्त्री र आइजिपीले आफ्नो पद अनुसारको काम गर्न नसकेको भन्दै उनीहरु विरुद्ध नारा लगाएका थिए।
_x000D_
_x000D_
_x000D_
_x000D_
विभिन्न पेशा तथा संस्था आबद्ध व्यक्तिहरुले प्रदर्शन गरेका थिए। उनीहरु योजनाबद्ध रुपमा 'छापामार शैली'मा ब्यानरसहित गेटमा पुगेका थिए। अन्य बेलामा जस्तै स्वभाविक रुपमा आउजाउ चलिरहेको सिंहदरबारमा अघिल्तिर एउटा समूह 'निर्मलाको निम्ति न्याय' भन्दै प्रदर्शनमा उत्रिएपछि प्रहरी अन्योलमा परेको थियो।
_x000D_
_x000D_
_x000D_
_x000D_
प्रदर्शनकारीले हामी न्याय चाहन्छौं, अपराधीलाई कारबाही गर, गृहमन्त्री जवाफ दे, आइजिपीलाई बिदा गर लगायतका नारा लगाएका थिए।
_x000D_
_x000D_
_x000D_
_x000D_
गत साउन १० गते साथीको घरमा गएकी निर्मला ११ गते बलात्कारपछि हत्या गरिएको अवस्थामा फेला परेकी थिइन्। तर धेरैथरि अनुसन्धान टोली बने पनि अपराधी पत्ता लाग्न सकेको छैन।
_x000D_
_x000D_
निर्मलाका निम्ति न्याय माग गर्दै देशै भरि प्रदर्शन भइसकेका छन्। निर्मलाका आमाबाबु केही हप्ताअघि काठमाडौं आएर गृहमन्त्री तथा प्रधानमन्त्री लगायतलाई भेटेका थिए। न्यायको आश्वासन पाए पनि त्यो आश्वासनमै सीमित भएको छ। बरु प्रधानमन्त्रीकै तहबाट अपराधी पत्ता लगाउन वर्षौं लाग्न सक्ने अभिव्यक्ति आउन थालेको छ।
_x000D_
_x000D_
_x000D_
_x000D_
थप जानकारी गराउन प्रदर्शनकारीले दिउँसो २ बजे पत्रकार सम्मेलन गर्ने जनाएका छन्।
_x000D_
_x000D_
प्रदर्शनकारीको माग-
_x000D_
_x000D_
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790071578.png)
-1786602170.png)
-1789631269.jpg)
