काठमाडौं– एसिया कप एकदिवसीय क्रिकेट प्रतियोगितामा एसोसिएट राष्ट्र हङकङले भारतविरुद्ध बाहदुरी प्रदर्शन गरेको छ। मंगलबार राति सकिएको खेलमा २६ रनले पराजित भएपनि हङकङले अन्तिमसम्म भारतविरुद्ध प्रतिस्पर्धात्मक खेल पस्केको थियो।
_x000D_
_x000D_
पहिले ब्याटिङ गरेको भारतले ५० ओभरमा ७ विकेटको क्षतिमा २ सय ८५ रन जोडेको थियो। २ सय ८६ लक्ष्य पछ्याएको हङकङले ५० ओभरमा ८ विकेटको क्षतिमा २ सय ५९ रन जोड्यो।
_x000D_
_x000D_
हङकङका लागि ओपनर निजाकत खानले ९२ रन र अंशुमान रथले ७३ रन जोडे। खानले १ सय १५ बलमा १२ चौका र १ छक्का हिर्काएका भने रथले ९७ बलमा ४ चौका र १ छक्का प्रहार गरे। दुईबीच पहिलो विकेटका लागि १ सय ७४ रनको साझेदारी भएको थियो। बाबर हायातले १८ र इसान खानले २२ रन जोडे। अन्य ब्याट्सम्यमानले उल्लेख्न रन जोड्न नसक्दा हङकङको ओपनिङ जोडीको मिहिनेत खेर गयो।
_x000D_
_x000D_
बलिङमा भारतका खलिल अमहेद र युजभेन्द्र चाहलले ३–३ विकेट लिए। कुलदीप यादवले २ विकेट हात पारे।
_x000D_
_x000D_
त्यसअघि भारतका लागि शिखर धवनले १ सय २७ रनको योगदान गरे। ओपनर रोहित शर्मा २३ रनमा आउट हुदा अम्बाती रायादुले ६० रन र दिनेश कार्तिकले ३३ रन बनाए। महेन्द्रसिंह धोनी भने ३ बल खेल्दा रन जोड्न नपाइ आउट भए। केदार जादवले नटआउट २८ रन जोडे। बलिङमा हङकङका किन्चित साहले ३ विकेट र इशान खानले २ विकेट लिए।
_x000D_
_x000D_
हारसँगै हङकङ बाहिरिएको छ भने समूह ए बाट भारत र पाकिस्तान १–१ खेल जित्दै सुपर ४ मा पुगेका छन्।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
