नेपालगन्ज– नेपालगन्जको पुप्पलालचोकका ५ वटा पसलमा आइतबार दिउँसो आगलागी भएको छ। आगलागीबाट लाखौंंको नोक्सानी भएको पसलधनीहरुले बताएका छन्। अम्बे अटो पार्ट्सबाट सुरु भएको आगलागीले दायाँबायाँका पसलमा पनि क्षति पु¥याएको बाँकेका प्रहरी प्रमुख एसपी टेकबहादुर तामाङले जानकारी दिए।
आगलागीबाट ऋतु किराना पसल, बराल रिकन्डिसन, अन्सारी अलमुनियम र न्यु सुर्खेती रेस्टुरेन्टमा जलेर ध्वस्त भएको छ। अम्बे अटोमा मर्मतका लागि राखिएका तीन वटा मोटरसाइकल र एउटा स्कुटर जलेको छ। अम्बेका सञ्चालक दिनेश गुप्ताले आफ्नो पसलमा १८ लाखको नोक्सान भएको बताए।
पसलधनीहरुका अनुसार सुर्खेती रेस्टुरेन्टमा दुई लाख, बरालमा ८ लाख, ऋतु पसलमा ३ लाख रुपैयाँ बराबरको क्षति भएको छ। दुई वटा दमकल, प्रहरी, सशस्त्र प्रहरी र स्थानीयबासीको पहलमा आगो ४० मिनेटपछि नियन्त्रणमा लिइएको प्रहरी प्रमुख तामाङले जानकारी दिएका छन्।
मोटरसाइकल मर्मतका क्रममा चुहिएको पेट्रोलबाट अचानक आगो फैलिएको अम्बेका सञ्चालक गुप्ताले बताए। प्रहरीले मोटरसाइकल मर्मतमा खटिएका एक जना मेकानिकलाई नियन्त्रणमा लिएको छ। प्रहरीले क्षतिको यकिन विवरण संकलन गरिरहेको जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
