काठमाडौं– बुधबारदेखि सुरु हुने एकदिवसीय विश्वकप बलरका लागि राम्रो मानिएको छैन। इंग्ल्यान्डमा फ्लाट पिच हुने भएका कारणले विकेट लिन संघर्ष गर्नु पर्ने विश्लेषण गरिएको छ। तर लयमा रहेका बलरले भने जस्तो परिस्थितिमा पनि विकेट लिने क्षमता राख्छन्। त्यस्तै क्षमता राख्ने पाँच बलरले यसपटक उत्कृष्ट खेल्ने आइसिसीको विश्लेषण छ।
लुङ्गी एगिडी (दक्षिण अफ्रिका)
दक्षिण अफ्रिकन टिममा कागिसो राबाडा र डेल स्टेन जस्ता प्रभावशाली बलर छन्। तर पनि लुङ्गीलाई दक्षिण अफ्रिकाले हतियार बनाउन सक्छ। उनले गत वर्ष राष्ट्रिय टिममा डेब्यू गरेका छन्। उनले अहिलेसम्म १८ एकदिवसीय खेल खेल्दै ३४ विकेट लिइसकेका छन्। उनले प्रत्येक २४ बलमा एक विकेट लिने गरेका छन्। उनी राबाडा भन्दा पनि राम्रा देखिएका छन्। राबाडाले प्रत्येक ३२ बलमा एक विकेट लिने गरेका छन्। लुङ्गीको यो दरको अर्थ के हो भने उनले प्रत्येक खेलमा २ वा ३ विकेट लिन सक्छन्।
रासिद खान (अफगानिस्तान)
अफगानिस्तानका लागि सबै भन्दा बढी खेल खेल्ने लेग स्पिनर हुन् रासिद खान। २०१५ को एकदिवसीय विश्वकपपछि राष्ट्रिय टिममा परेका रासिदले अहिलेसम्म १ सय २५ एकदिवसीय विकेट लिइसकेका छन्। उनको औषत १५.३३ छ भने स्ट्राइक रेट २३.३३ छ। उनी अहिले विश्वकपका उत्कृष्ट बलर मध्येमा पर्छन्। उनी प्रत्येक खेलमा अफगानिस्तानको आसाको केन्द्र हुने पक्का छ।
नाथान काउल्टर निल (अस्ट्रेलिया)
निलले आफूलाई एकदिवसीय खेलमा विकेट टेकर बलरको रुपमा प्रमाणित गरिसकेका छन्। उनले अस्ट्रेलियाका प्रभावशाली बलर मिचेल स्टार्क र जोश हजलउडलाई विस्थापित गरेर विश्वकपमा स्थान बनाएका हुन्। उनको एकदिवसीय खेलमा स्ट्राइक रेट २७. १ छ। स्टार्कको २९.३ थियो। अछिल्लो विश्वकपमा स्टार्कले आफ्नो छाप छाडेका थिए। यसपटक निलको पालो छ।
ट्रेन्ड बोल्ट (न्युजिल्यान्ड)
न्युजिल्यान्डका ट्रेन्ड बोल्ड अहिले जीवनकै उत्कृष्ट लयमा छन्। उनको औषत २४.५९ छ भने स्ट्राइक रेट २७.८ छ। अघिल्लो विश्वकपपछि बढी विकेट लिने खेलाडीको सूचीमा उनी तेस्रो स्थानमा छन्। उनले पछिल्लो चार वर्षमा १ सय ७ विकेट लिएका छन्। न्युजिल्यान्डका लागि भरपर्दा बलर उनले टिमको जितमा विकेट लिने पक्का छ।
जसप्रित बुमराह (भारत)
भारतका तीव्र गतिका बलर बुमराहले सन् २०१६ मा राष्ट्रिय टिममा डेब्यू गरेका थिए। उनले डेब्यू गरेपछि ढी विकेट लिने खेलाडीको सूचीमा शीर्ष स्थानमा छन्। उनले ४९ खेल खेलेर ८५ विकेट लिइसकेका छन्। जहाँ उनको स्ट्राइक रेट २९.४ छ। डेथ ओभर बलिङमा बुमराह प्रभावशाली छन्। डेथ ओभरमा विकेट लिन सक्ने थोरै खेलाडीमा बुहराह पनि पर्छन्। यो विश्वकपमा उनी भारतका मुख्य हतिहार हुने पक्का छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
