काठमाडौं– प्रधानमन्त्री कप एकदिवसीय क्रिकेट प्रतियोगितामा प्रदेश ३ ले लगातार दोस्रो खेलमा जित हात पारेको छ। मंगलबार कीर्तिपुरस्थित त्रिवि मैदानमा प्रदेश ३ ले गण्डकी प्रदेशलाई ७ विकेटले पराजित गर्यो।
गण्डकीले दिएको १ सय ९ रनको झिनो लक्ष्य प्रदेश ३ ले ३ विकेटको क्षतिमा २२.३ ओभरमा पूरा गर्यो। प्रदेश ३ को जितमा इशान पाण्डेले नटआउट २६ रन र अदिल खानले नटआउट ३८ रनको योगदान दिए। अलिदले ५३ बलमा ५ चौका र इशानले ४० बलमा ४ चौका हिर्काए। ओपनर रित गौतमले २० रनको योगदान दिए।
त्यसअघि टस जितेर पहिले ब्याटिङ गरेको गण्डकी ३०.१ ओभरमा १ सय ८ रनमै अलआउट भयो। उसका लागि आकास थापाले २८ रन र सुमा घिमिरेले ३४ रन जोडे। ओपनिङमा आएका राहुल शर्माले १२ रन जोडे। अन्य ब्याट्सम्यान सस्तैमा आउट भए।
बलिङमा प्रदेश ३ का कप्तान पारस खड्का र सूर्य तामाङले घातक बलिङ गरे। दुवैले ४–४ विकेट लिए। सूर्यले ८.१ ओभरमा १ मेडन सहित २९ रन दिँदा कप्तान पारसले ८ ओभरमा १ मेडन राख्दा १८ रन मात्र दिए। नन्दन यादवले पनि २ विकेट लिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769166231.png)
-1769158577.png)
-1769161919.png)
-1764146706.png)
