गोरखा- गाेरखा क्षेत्र नम्बर २ मा नयाँ शक्तिका डा बाबुराम भट्टराई विजयी भएका छन्। गोरखाका मुख्य निर्वाचन अधिकृत रितेन्द्र थापाले गोरखा २ को नतिजाको औपचारिक घोषणा गरे।
कांग्रेसको समर्थनमा चुनावमा उत्रिएका भट्टराईले वाम गठबन्धनबाट माओवादी केन्द्रका उम्मेदवार नारायणकाजी श्रेष्ठलाई पराजति गरेका हुन्। डा भट्टराई ३१ हजार ८ सय ७ मत ल्याई विजयी भएका हुन्। उनका निकटतम प्रतिद्वन्द्वी श्रेष्ठले २४ हजार ९ सय ३३ मत प्राप्त गरे। डा भट्टराईले ६ हजार ८ सय ७४ मतले श्रेष्ठलाई हराएका हुन्।
गोरखा २ मा जम्मा ६० हजार १ सय १७ मत गणना भएकाेमा २ हजार ६ सय ३८ मत बदर भएको छ।
यसअघि, मुख्य निर्वाचन अघिकृत थापाले डा भट्टराई ७ हजार १ सय ७४ मतअन्तरले विजयी भएको बताएका थिए। पछि उक्त परिणाम गलत रहेको भन्दै उनले सँच्याएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
