चलचित्रकर्मीको हौसला बढाउन प्रदेश सरकारले पहल गर्ने प्रदेश प्रमुखको विश्वास

इन्टरटेनमेन्ट लाइभ

नेपाल लाइभ शनिबार, वैशाख ७, २०७६ २१:४६

जनकपुरधाम- प्रदेश २ का प्रदेश प्रमुख रत्नेश्वरलाल कायस्थले आगामी निति तथा कार्यक्रममा स्थानीय चलचित्रको विकास तथा चलचित्रकर्मीहरुको हौसला बढाउने जस्ता पक्षहरुलाई समेट्न प्रदेश सरकारले विशेष पहल गर्ने विश्वास व्यक्त गरेका छन्।

जनकपुरधामस्थित रँगवाटिका नेपालको आयोजनामा शनिबार सम्पन्न प्रदेश स्तरीय नाटक एवम् चलचित्र सांस्कृतिक महोत्सवको समापन समारोहमा उनले स्थानीय कला, संस्कृतिको संरक्षण तथा जगेर्ना गर्ने सवालमा प्रदेश सरकारले पनि सहभागिता जनाउनुपर्ने धारणा राखे।

विभिन्न कठिनाइ तथा अभावका बावजुद कला, संस्कृतिको संरक्षण हेतु चलचित्र महोत्सव गर्दै आउएका आयोजकप्रति प्रमुखले आभार प्रकट गरे। प्रदेश प्रमुख कायस्थले स्थानीय कला, संस्कृतिको उत्थानका लागि स्थानीय रंगकर्मी तथा चलचित्रकर्मीहरुले पनि यसमा विशेष पहल गर्नुपर्नेमा उनकाे जाेड थियाे।

यस किसिमको संस्कृतिलाई उत्थान गर्न तथा महोत्सवलाई सफल बनाउन आगामी आर्थिक वर्षको बजेटमा के-कस्ता कुरा समेटिनुपर्छ भन्ने विषयमा सुझावसमेत दिन प्रमुख कायस्थले आयोजकलाई आग्रह गरे।

गत चैत्र ३० देखि शनिबारसम्म प्रदेशस्तरीय नाटक एवम् चलचित्र प्रशारण गरिएको थियो। महोत्सवबाट उत्कृष्ट नाटककर्मी, चलचित्रकर्मी तथा निर्माता, निर्देशक तथा कलाकारहरुलाई आयोजकले सम्मानसमेत गरेको थियाे।

कार्यक्रममा विभिन्न किसिमका नृत्यहरु समेत प्रस्तुत गरिएको थियो। प्रदेश सांसद परमेश्वर साह, उमाशंकर अरगरिया, डा विजय सिंह लगायतकाे उपस्थिती रहेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

काठमाडौँको मखनटोलमा आगलागी, एक जनाको मृत्यु

पत्रकार फणिदेव महतको निधन

मखन टोलमा भीषण आगलागी, नियन्त्रणको पर्यास जारी