काठमाडौँ- जनपत्रकार संगठन,नेपालका काठमाडौंका संयाेजक जितेन्द्र महर्जनलाई सरकारले राज्य विरूद्वकाे कसुरमा मुद्वा चलाएकाे छ।
गत चैत्र २८ गते पक्राउ परेका महर्जनलाई प्रहरीले राज्य विरूद्वकाे कसुर सम्बन्धी मुद्दा लगाएकाे हाे।
नेपाल भाषाकाे पत्रिका `न्हूगु ज्वजलपा वा:पाै´ का प्रधानसम्पादक महर्जनलाई विप्लव नेतृत्वको नेपाल कम्युनिस्ट पार्टी निकट जनपत्रकार संगठनकाे काठमाडौं संयाेजक भएकै कारण चैत २८ गते प्रहरीले गिरफ्तार गरेको थियाे। गणतन्त्र आएपछि पहिलाेपटक सरकारले पत्रकार विरूद्व राज्य विरूद्वकाे कसुर सम्बन्धि मुद्दा चलाएकाे हाे।
समाचार संकलनकै शिलिशिलामा हिँडिरहेका बेला संयाेजक महर्जनलाई प्नहरीले काठमाडौंबाट पक्राउ गरेकाे थियाे।
जनपत्रकार संगठन नेपालको पहलमा नेपाल पत्रकार महासंघले पत्रकार महर्जनकाे गिरफ्तारी गैरकानुनी भन्दै सर्वाेच्च अदालतमा दायर गरेकाे बन्दी प्रत्यक्षीकरण रिटमा सुनुवाई गर्दै बन्दीसहित गिरफ्तार गुर्नको कारण पेश गर्न बैशाख २ गते सरकारलाई आदेश समेत दिएको थियाे।
यता जनपत्रकार संगठन नेपाल केन्द्रीय समिति र उपत्यका क्षेत्रीय समन्वय समितिले समेत प्रेस विज्ञप्ति जारी गर्दै गिरफ्तार पत्रकार तथा काठमाडौं जिल्ला संयोजक महर्जनलाई अबिलम्ब रिहाइको माग गर्दै रिहाइ नगरे आन्दोलनमा जाने चेतावनीसमेत दिएको छ।
जनपत्रकार संगठन नेपालका केन्द्रीय अध्यक्ष प्रकाश डुम्रेले पत्रकार महर्जनलाई सरकारले राजनीतिक आस्थाका कारण प्रतिसोध साध्ने उदेश्यले पक्राउ गरी राज्यविरुद्धको मुद्दा लगाइएको टिप्पणी गरेका छन्।
अध्यक्ष डुम्रेले गणतन्त्र प्राप्तिपछि समेत कम्युनिस्ट सरकारले पत्रकारलाई राज्य विरुद्धको मुद्दा लगाउनुले नेपालको मिडिया जगत कतिको सुरक्षित भन्ने गम्भीर प्रश्न चिन्ह खडा भएको भन्दै सरकारको प्रेस विरोधी नीतिको भण्डाफोर गर्नुपर्ने बताए।
आइतबार पत्रकार महर्जनकाे सर्वाेच्चमा सुनुवाई हुने छ।
नेपाल कम्युनिष्ट पार्टीलाई प्रतिबन्ध लगाएपछि उक्त पार्टी निकट पत्रकारविरूद्व समेत सरकार आक्रमक देखिएकाे छ।
यसअघि जनपत्रकार संगठन,नेपाल कालिकाेट संयाेजक कर्ण विकलाई रेडियाे स्टेशनभित्रै पसेर प्रहरीले गिरफतार गरेकाे थियाे।
महर्जनका लागि वरिष्ठ अधिवक्ता एकराज भण्डारी,अधिवक्ता कपिलचन्द्र पोख्रेल,कान्ति ढुंगाना,चुडाबहादुर तिवारीलगायतले कानुनी सहयोग गरिरहेको संगठनका महासचिव हिम विष्टले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
