सगरमाथा आधार क्षेत्रमा शिक्षा र स्वास्थ्यको व्यवस्था गरिदिन सरकारसँग मनीषाको माग

इन्टरटेनमेन्ट लाइभ

नेपाल लाइभ बिहीबार, वैशाख ५, २०७६ १७:२४

काठमाडौं- चर्चित भारतीय अभिनेत्री मनीषा कोइरालाले विश्वको सर्वोच्च शिखर सगरमाथाको आधार क्षेत्रमा जनतालाई शिक्षा र स्वास्थ्य सेवाको उचित व्यवस्था गरिदिन सरकारसँग आग्रह गरेका छिन्।

सगरमाथा बेस क्याम्पको ट्रेकिङ सम्पन्न गरी काठमाडौं आइपुगेकी उनले बिहीबार काठमाडौंमा पत्रकार सम्मेलन गरी शिक्षा र स्वास्थ्य सेवाको अभावमा रहेका त्यस क्षेत्रका बासिन्दाका लागि आवश्यक व्यवस्था गरिदिन सरकारलाई आग्रह गरेकी हुन्।

अभिनेत्री कोइरालाले सगरमाथा बेस क्याम्प ट्रेकिङका क्रममा स्थानीय बासिन्दाबाट आफूले ठूलो सहयोग पाएको पनि स्मरण गरिन्। तर, सगरमाथा जानेहरुलाई जति सहयोग गरे पनि उनीहरुले भने स्वास्थ्य सेवा पाउने अवस्था समेत नभएकोमा आफूलाई दुःख लागेको अभिनेत्री कोइरालाको भनाइ छ।

अभिनेत्री कोइराला दुई जना भारतीय नागरिकका साथ सगरमाथाको बेस क्याम्प ट्रेकिङमा गएकी थिइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

लगातार चौथो दिन पनि सेयर बजारमा गिरावट

सांसदको सङ्ख्या घटाएर संसद् बाहिरबाट मन्त्री नियुक्त गरौँ : नारायणकाजीको प्रस्ताव

पोखरामा बस दुर्घटना, ४ जनाको अवस्था गम्भीर