धनगढी- नेपाली काग्रेसका सभापति तथा पूर्व प्रधानमन्त्री शेरबहादुर देउवाले सरकारले सुदूरपश्चिम विश्वविद्यालयको प्राज्ञिक स्वतन्त्रतामा हमला गरे पार्टीले नसहने चेतावनी दिएका छन्।
सरकारले उपकूलपति र रजिष्टारलाई हटाएको, नयाँ नियुक्तिमा ढिलाइ गरेकोले विश्वविद्यालयका कामहरु प्रभावित हुनुका साथै समायोजन भएका १४ वटा क्याम्पसका प्राध्यापक र कर्मचारीले ९ महिनादेखि तलवभत्ता नपाएपछि सभापति देउवा सरकारप्रति आक्रोशित बनेका हुन्।
नेपाली कांग्रेस क्षेत्र नम्बर १ कैलालीले निर्माण गरेको वीपी स्मृति भवनको उद्घाटन गर्न टीकापुर पुगेका देउवाले आफू प्रधानमन्त्री भएको बेला सुदूरपश्चिमको धेरै विकास गरेको र फेरि प्रधानमन्त्री भए कर्णाली, महाकाली र पश्चिम सेती जलविद्युतको विकास गरी सबैभन्दा धनी प्रदेश बनाउने बताए।
पार्टीका केन्द्रीय सदस्य तथा पूर्वमन्त्री एनपी साउदले पार्टीलाई बहुमतले सरकारमा स्थापित नगरेसम्म पार्टीबाट देउवाको बिदाई पनि नहुने र पार्टीमा विकल्प पनि नभएको बताए।
उनले केन्द्रीय सदस्य महाधिवेशन प्रतिनिधि हुने विधानको व्यवस्था गिरीजाप्रसाद कोइरालाको पालादेखि नै रहिआएको र महासमिति बैठकमा त्यस्तो प्रस्ताव पनि नआएकाले अहिले महाधिवेशन प्रतिनिधि बुथबाटै निर्वाचित भएर आउनुपर्ने मागको कुनै अर्थ नरहेको बताएका थिए।
पार्टीका वरिष्ठ नेता रामचन्द्र पौडेल पक्षका नेता नारायणदत्त मिश्रले एकपटक केन्द्रीय सदस्य भैसकेपछि फेरि जनतामा जान नपर्ने र पटकपटक समानुपातिकमा अवसर पाउने व्यवस्थाको अन्त्य गर्नुपर्ने माग गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778309656.png)
-1764146706.png)
