काठमाडौं– नक्कली एटिएम कार्डबाट पैसा निकाल्न आएका एक बुल्गेरियन नागरिक ठमेलबाट पक्राउ परेका छन्।
केन्द्रीय अनुसन्धान ब्युरो (सिआइबी) ले भिटाली भासिलिपभन्च नेकिट नाम गरेका उनलाई नरसिंह चोकस्थित होटल डिस्कभरीबाट पक्राउ गरेको हो। उनी ठमेलका क्षेत्रमा एटिएम मेसिनहरुबाट नेपाली ग्राहकहरुको डाटा ह्याक गर्न सक्रिय रहेको सिआइबीले जनाएको छ।
डाटा ह्याकिङमा प्रयोग हुने मेसिनसहित उनी आइतबार समातिएका हुन्। ग्लोबल आईएमई, सानिमा तथा नबिल बैंकको एटिएम मेसिनबाट उनले पैसा निकालेको खुलेको छ।
हालसम्म नेपालमा १८ जना विदेशी ह्याकर पक्राउ परिसकेका छन्। पूर्वी युरोपियन देशका नागरिक नेपालमा एटिएम ह्याकिङको उद्देश्यले आउने गरेको सिआइबीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
