कैलाली– भीमदत्त राजमार्ग अन्तर्गत कैलालीको चुरे गाउँपालिका–३ धप्रेनीमा बस दुर्घटना हुँदा ३ जनाको मृत्यु भएको छ भने ३७ जना घाइते भएका छन्।
बैतडीबाट महेन्द्रनगर गइरहेको ना४ख २७२३ नम्बरको बस आइतबार बिहान दुर्घटना भएको हो। दुर्घटनामा मृत्यु हुने ३ जना महिला छन्। दुर्घटनामा बैतडी शिवनाथ गाउपालिका–६ की ६४ वर्षीया झुम्कीदेवी चन्द, पञ्चेश्वर गाउ“पालिका–४ कि अन्दाजी २४ वर्षीया कविता तिवारी र ठेगाना खुल्न नसकेकी १९ वर्षीया रेवती भाटको मृत्यु भएको हो।
घाइतेहरुलाई उपचारका लागि सेती अञ्चल अस्पताल ल्याउने क्रममा ३ जनाो बाटोमै मृत्यु भएको प्रहरीले बतायो।
३७ जना घाइतेमध्ये ८ जनाको अवस्था गम्भीर रहेको जिल्ला ट्राफिक प्रहरी कार्यालयका इन्चार्ज दीपक पातलीले जनाए। उनका अनुसार बसमा ४० जना यात्रु थिए। गम्भीर घाइते २ जनालाई थप उपचारका लागी भारतको हल्दवानी लगिएको छ भने ३४ जनाको अत्तरियास्थित पद्मा अस्पतालमा उपचार भइरहेको छ। बस दुर्घटना हुनुको कारण अहिलेसम्म खुल्न सकेको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
