इनरुवा- सुनसरीको गढी गाउँपालिका–२ कलरुवास्थित थलाह खोलामा ट्याक्टर दुर्घटना हुँदा चालकको मृत्यु भएको छ।
मृत्यु हुनेमा गढी–२ का १६ वर्षीय कमल ऋषिदेव रहेको जिल्ला प्रहरी कार्यालयले जनाएको छ। मझौबाट औरावनी जाँदै गरेको को १ त २४७७ नं को ट्याक्टर अनियन्त्रित भई दुर्घटनामा परेको प्रहरीले जनाएको छ।
यस्तै पूर्वपश्चिम राजमार्गअन्तर्गत नवलपरासीको पश्चिम सुनवल क्षेत्रमा भएको फरक फरक सवारी दुर्घटनामा एक जनाको मृत्यु भएको छ भने अन्य १२ जना घाइते भएका छन्।
पूर्वबाट पश्चिम हिँडेको बा१०च ६२९८ नम्बरको कार सुनवल १३ सूर्यवस्तीमा अनियन्त्रित भई पल्टिँदा कारमा सवार नवलपरासी सुनवल–१२ हरकट्टाका २७ वर्षीय मदन पौडेलको मृत्यु भएको प्रहरीले जनाएको छ। दुर्घटनामा गम्भीर घाइते भएका पौडेलको लुम्बिनी अञ्चल अस्पताल बुटवलमा उपचारका क्रममा मृत्यु भएको हो।
सुनवल नगरपालिका–१२ हरकट्टामा पनि सवारी दुर्घटना हुँदा १२ जना घाइते भएका छन्। ट्रक र यात्रुबाहक विंगर जिप एक आपसमा ठक्कर खाँदा सो दुर्घटना भएको थियो। पश्चिमबाट पूर्व जाँदै गरेको ना ६ ख ८०७३ नम्बरको ट्रक र विपरीत दिशाबाट आउँदै गरेको लु १ ज २४८३ नम्बरको विंगर जिप ठक्कर खाँदा जिपमा सवार १२ जना सामान्य घाइते भएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
