काठमाडौं- नेपालमा माओवादी सशस्त्र युद्धको समयमा ३५ जना पत्रकारको हत्या गरिए पनि हत्यामा संलग्नहरु अझैसम्म कानुनी दायरामा आउन सकेका छैनन्।
दैलेखका पत्रकार डेकेन्द्र थापाका हत्यारा मात्र पक्राउ परी कानुनी कारबाहीमा आएका छन्। चार जना पत्रकारहरु अझै पनि बेपत्ता छन् र उनीहरुको यथास्थिति पत्ता लगाउने विषयमा राज्यको तर्फबाट कुनै पनि पहल भएको छैन।
पत्रकारविरुद्ध हुने अपराधजन्य दण्डहीनता अन्त्य सम्बन्धी अन्तराष्ट्रिय दिवसका अवसरमा मिडिया एक्सन नेपालका अध्यक्ष लक्ष्मणदत्त पन्तद्धारा जारी विज्ञप्तिमा भनिएको छ, 'पत्रकारविरुद्ध भएका हत्याको छानबिन गरी दोषीलाई तत्काल कानुनी दायरामा ल्याउन तथा पीडकलाई न्याय दिन हामी जोडदार माग गर्दछौं।'
पहिलो संक्रमणकालीन न्यायसँग सम्बन्धित आयोगका म्यान्डेटहरुलाई मानव अधिकारको विश्वव्यापी मान्यता अनुसार हुने गरी संशोधन गर्नुपर्नेमा पनि एक्सनले जोड दिएको छ।
हरेक वर्ष नोभेम्बर २ लाई ‘पत्रकारविरुद्ध हुने अपराधजन्य दण्डहीनता अन्त्यसम्बन्धी अन्तराष्ट्रिय दिवस’ को रुपमा संसारभरि मनाउने गरिन्छ। संयुक्त राष्ट्रसंघको ६८औं महासभाले सन् २०१३ मा एक प्रस्ताव पारित गरेर हरेक वर्ष नोभेम्बर २ लाई सो दिवसको रुपमा घोषणा गरेको थियो।
नेपालमा भने शुक्रबार र शनिबार विभिन्न कार्यक्रमहरुको आयोजना गरेर मनाइँदैछ।
शुक्रबार काठमाडौंमा पत्रकारविरुद्ध हुने दण्डहीनता अन्त्य सम्बन्धमा अहिलेसम्म भएका पहल, चुनौती र आगामी दिनमा लिनुपर्ने पहलकदमीका सम्बन्धमा कार्यक्रम गरिएको छ।
‘पत्रकारविरुद्ध हुने अपराधजन्य दण्डहीनता अन्त्यको लागि भएका पहल तथा त्यसमा देखाउनुपर्ने तदारुकता बारेमा छलफलको लागि कार्यक्रम आयोजना गरेका हौं,
‘पत्रकारविरुद्ध हुने अपराधजन्य दण्डहिनता अन्त्यको लागि भएका पहल तथा त्यसमा देखाउनुपर्ने तदारुकताको बारेमा छलफलको लागि काार्यक्रम आयोजना गरेका हौं। दण्डहीनताको अन्त्य नहुँदा पत्रकारहरु आत्मप्रतिबन्ध गर्न बाध्य छन्, जसले गर्दा दण्डहीनताको बारेमा पत्रकारहरुले खुलेर समाचार सम्प्रेषण गर्न सकेका छैनन्,’ मिडिया एक्सन नेपालका अध्यक्ष पन्तले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
