काठमाडौं- सरकारसँग ११ बुँदे राजनीतिक सहमति गरेपछि सिके राउतले आजको दिन ऐतिहासिक भएको बताएका छन्।
'विगत केही वर्षदेखि विकारल समस्याले हामी पनि चितिन्त थियौं। कुन रुप लेला भन्ने हामीमा चिन्ता थियो,' उनले भने, 'अब सहज अवतरण भएको छ। सबैका लागि ऐतिहासिक समय हो।'
यो शान्तिपूर्ण पहलका लागि उनले प्रधानमन्त्री केपी ओलीलाई धन्यवाद दिएका छन्। 'शान्तिपूर्ण आन्दोलनलाई विगतका प्रमले पनि बलजफ्ती गर्नुभएन। विस्फोट हुने अवस्थालाई पूर्व प्रधानमन्त्रीले जोगाउनुभयो,' उनले भने।
आफूहरु बुद्धका सन्तान भएको भन्दै राउतले अहिंसा शरीरभित्र अन्तरनिहित रहेको बताए। 'बुद्ध र गाान्धीलाई आत्मसात गर्यौं। आफ्नो विचार जनतामा लाने क्रममा गिरफ्तार पनि भइयो। राज्य विरुद्धका मुद्दा पनि लागे,' उनले भने।
समुदायको विरुद्ध आफूहरुको आन्दोलन नभएको भन्दै उनले थपे, 'राज्यबाट गोली चलाउने कार्य राज्य बाट भएन।'
सरकार र स्वतन्त्र मधेस गठबन्धनबीच संघीय लोकतान्त्रिक स्वतन्त्र, स्वाधीन सार्वभौमसत्ता अभिभाज्य राष्ट्र हो भन्ने स्वीकार गर्ने सहमति भएको छ। तराई मधेसमा देखिएका असन्तुष्टिलाई जनअभिमतमा आधारित लोकतान्त्रिक विधिबाट समाधान गर्ने सहमति बुँदामा उल्लेख छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
