काठमाडौं- महासमिति बैठकले पारित गरेको व्यवस्था विपरीतका प्रावधान केन्द्रीय समितिले पारित गरेको भन्दै नेपाली कांग्रेसका ५५ जिल्ला जिल्ला सभापतिले आपत्ति जनाएका छन्।
केन्द्रीय समिति सदस्य स्वतः महाधिवेश प्रतिनिधि बन्न पाउने व्यवस्था संशोधन गरेको प्रति उनीहरुले आपत्ति प्रकट गरेका हुन्। तल्लो तहबाट नै प्रतिनिधि भएर आउनुपर्ने व्यवस्था कायम गर्न पनि जिल्ला सभापतिहरुले माग गरेका छन्।
समानुपातिक तथा आरक्षण कोटाबाट एकै व्यक्तिलाई दोहोर्याएर अवसर नदिने सम्बन्धी व्यवस्था थप गर्नसमेत उनीहरुले माग गरेका छन्।
काठमाडौंमा सम्पन्न महासमिति बैठकमा पार्टी सभापति शेरबहादुर देउवा र वरिष्ठ नेता रामचन्द्र पौडेलसहित अधिकांश महासमिति सदस्यहरुको प्रस्ताव अनुसार विधानमा स्वतः महाधिवेशन प्रतिनिधि बन्न नसक्ने प्रतिबद्धता जनाएसँगै महासमिति बैठकबाट पास भएको थियो।
महासमितिबाट पास भएको विषयलाई केन्द्रीय कार्यसमितिको पछिल्लो बैठकले उल्टाउनु आपत्तिजनक भएको टिप्पणी गरेका छन्। यस्तो खबरले आफूहरुलाई आश्चर्यचकित तुल्याएको उनीहरुको विज्ञप्तिमा उल्लेख छ।
महासमितिभन्दा ठूलो केन्द्रीय कार्यसमिति हुन सक्दैन भन्ने कुरालाई पूर्णत उपेक्षा गरी पार्टी सभापति जस्तो गरिमामय पदको विश्वसनीयतासमेत समाप्त गर्ने काममा केही नेताहरु देखापर्नु दुर्भाग्यपूर्ण भएको विज्ञप्तिमा भनिएको छ।
'उक्त दुई विषयलाई लिएर पार्टी केन्द्रीय कार्यालयको सचिवालयमा औपचारिक रुपमै दर्ता भएको महासमिति सदस्यहरुको हस्ताक्षरलाई बेवास्ता गरी संशोधन प्रस्ताव नै नआएको जस्ता गलत प्रचारबाजीमा उत्रनु अझै हास्यास्पद हो,' विज्ञप्तिमा भनिएको छ।
महासमिति बैठक र यसको निर्णयबाट उत्साहित भएका आम पार्टी सदस्यहरुलाई केन्द्रिय समितिको पछिल्लो निर्णयले निराश उनीहरुको ठहर छ। पार्टी संगठन र पार्टी नेतृत्वको विश्वसनीयतालाई गम्भीर क्षति पुर्याउने उक्त निर्णयमाथि शीघ्र पुनर्विचार गर्नसमेत उनीहरुले माग गरेका छन्। अन्यथा विशेष महाधिवेशनका लागि समेत पहल गर्न बाध्य हुने उनीहरुको चेतावनी छ।
प्रदेश १
१) लिला देवी बोखिम — ताप्लेजुंग
२) नरेन्द्र कुमार केरुङ्ग — पांचथर
३) हिमालय कर्माचार्य — ईलाम
४) उद्धव थापा — झापा
५) गोविन्द ढुंगाना — तेह्रथुम
६) नन्दमणि राई — भोजपुर
७) नरेश कुमार श्रेष्ठ — खोटांग
८) बिनोद बस्नेत — सोलुखुम्बु
९) राजिब कोइराला — सुनसरी
१0) डिग बहादुर लिम्बु — मोरंग
११) बिदुर बस्नेत — गाईघाट
१२) दिपेन कुमार श्रेष्ठ _ संखुवासभा
प्रदेश २
१) कृष्ण देव यादव — रौतहट
२) अजय दुवेदी — पर्सा
प्रदेश ३
१) उज्जल बराल — सिन्धुली
२) मधु आचार्य — काभ्रे
३) लवश्री न्यौपाने — रामेछाप
४) बिकाश लामा — सिन्धुपाल्चोक
५) जगदीश नरसिंह केसी — नुवाकोट
६) दुर्लभ थापा — भक्तपुर
७) सबुज बानिया — काठमाडौँ
८) पेम्बा क्षिरिङ्ग लामा — रसुवा
९) रमेश धमला — धादिंग
१0) जित नारायण श्रेष्ठ — चितवन
गण्डकी प्रदेश
१) बैकुण्ठ न्यौपाने — तनहुँ
२) कृष्ण केसी —कास्की
३) खम्ब गर्बुजा —म्याग्दी
४) यङ्गजीङ्ग बिष्ट —मुस्तांग
५) कुमार राणा —स्याङजा
६) बिष्णु प्रसाद लामिछाने —नवलपुर
७) भेष बहादुर पौडेल —लम्जुङ्ग
८) हरि ब घले —गोरखा
प्रदेश ५
१) अर्जुन पोखरेल —परासी
२) बिर बहादुर राणा —पाल्पा
३) भुवन श्रेष्ठ —गुल्मी
४) बिष्णु प्रसाद खनाल(मुश्कान —अर्घाखाची
५) सुरेन्द्र प्रसाद आचार्य —कपिलबस्तु
६) अम्मर प्रसाद भण्डारी — प्युठान
७) अमर सिंह पून —रोल्पा
८) केशर मान रोका —पूर्व रुकुम
९) किरण कोइराला —बाँके
१0) संजय गौतम — बर्दिया
कर्णाली प्रदेश
१) खड्ग बहादुर शाही — मुगु
२) दिप बहादुर शाही —जुम्ला
३) हर्ष बहादुर बम —कालिकोट
४) कृष्ण कुमार बिसी — दैलेख
५) कमल राज रेग्मी —सुर्खेत
६) प्रेम प्रकाश ओली —पश्चिम रुकुम
७) गणेश बहादुर चन्द —सल्यान
८) दिपक जंग शाही — जाजरकोट
९) जयपति रोकाया —हुम्ला
१0) अंगत बुढा —डोल्पा
सुदूरपश्चिम प्रदेश
१) कर्ण बहादुर मल्ल
—डडेल्धुरा
२) ललित सिंह बोहरा —दार्चुला
३) नरेन्द्र सिंह थापा —बैतडी
४) हर्क जंग बहादुर सिंह —बझांङ
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
