काठमाडौं- नेपालमा आयोजना हुन लागेको १३औं दक्षिण एसियाली खेलकुद (साग) को नयाँ मिति घोषणा भएको छ। १३औं साग सन् २०१९ को डिसेम्बर १ देखि १० तारिखसम्म नेपालमै आयोजना गरी पूर्वनिर्धारित मिति परिवर्तन भएको हो।
थाइल्यान्डको बैंककमा शनिबार भएको दक्षिण एसियाली ओलम्पिक काउन्सिलको बैठकले १३औं सागको मिति तय गरेको हो।
नेपालले आयोजनाको जिम्मेबारी लिएयता १३औं सागको मिति तेस्रो पटक सारिएको हो ।
सरकारले समयमै बजेट उपलब्ध नगराउँदा भौतिक पूर्वाधार निर्माणमा ढिलाइ भएको कारण देखाउँदै मिति सर्दै आएको थियो।
राष्ट्रिय खेलकुद परिषद्ले आगामी सेप्टेमबरमा सागको नयाँ मिति प्रस्ताव गरेको थियो। तर काउन्सिलको बैठकले डिसेम्बरमा मात्र प्रतियोगिता आयोजना गर्ने मिति तोकेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
