काठमाडौं– नेपालका क्रिकेट खेलाडीहरुको संस्था क्रिकेट खेलाडी संघ नेपाल (सिप्यान)ले मंगलबार प्रदान गर्ने एनसिसिएस-सिप्यान क्रिकेट अवार्डको तीन विधाको मनोनय सार्वजनिक गरेको छ।
सिप्यानले आइतबार वर्षको उत्कृष्ट पुरुष खेलाडी, वर्षको उत्कृष्ट महिला खेलाडी र इमर्जिङ विधाको मनोनयनमा खेलाडीको नाम सार्वजनिक गरेको हो।
पुरुष खेलाडीको मनोनयनमा दीपेन्द्रसिंह ऐरी, करण केसी, पारस खड्का, सन्दीप लामिछाने र सोमपाल कामी परेका छन्। यस्तै इन्दु बर्मा, करुणा भण्डारी, रुबिना क्षेत्री बेलबासी, सरिता मगर र सीता रानामगर महिला खेलाडीको मनोनयनमा परेका छन्। इमर्जिङ खेलाडीको मनोनयनमा अभिनास बोहरा, कविता कुँवर, ललितनारायण राजवंशी, रोहितकुमार पौडेल र सन्दीप जोरा छन्।
पाँच विधामा हुने अवार्डको वर्षको उत्कृष्ट क्षणको मनोनयन यसअघि नै सार्वजनिक भएको थियो। जसमा दीपेन्द्रसिंह ऐरीले एकदिवसीय विश्वकप छनोटमा पपुवा न्युगिनीविरुद्ध खेलेको इनिङ, ज्ञानेन्द्र मल्लले युएईविरुद्ध लिएको क्याच, करण केसीले डिभिजन–२ मा क्यानडाविरुद्ध खेलेको इनिङ, नेपाली महिला टिम थाइल्यान्डको टी–२० स्मासमा पुगेको फाइनल र पारस खड्काले युएई विरुद्ध बनाएको शतक छ।
यस्तै रोहितकुमार पौडेलले युएईविरुद्ध बनाएको अर्धशतक, रुबिना क्षेत्रीले इन्डोनेसियाविरुद्ध गरेको बलिङ, सन्दीप लामिछानले विश्वभरका टी–२० खेलमा जनाएको सहभागिता, सोमपाल कामीले युएईविरुद्ध लिएको ५ विकेट र सन्दीप जोराले युएईविरुद्धको टी–२० खेलमा बनाएको अर्धशतक पनि उत्कृष्ट क्षणमा समेटिएका छन्। उत्कृष्ट क्षणको विजेता अनलाइन भोटिङको आधारमा घोषणा हुनेछ। भोटिङ एनसिसिएसको साइटमा गएर गर्न सकिन्छ।
यस्तै लाइफटाइम अचिभमेन्ट अवार्ड पनि प्रदान गरिनेछ।
वर्षको उत्कृष्ट खेलाडी पुरुषलाई नगद १ लाख ३२ हजार रुपैयाँ प्रदान गरिनेछ। अन्य चार विधामा ६६ हजार प्रदान गरिनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782043740-1782045458.jpeg)
-1782199085-1782199787.jpeg)
-1764146706.png)
