जनकपुर– भौतिक पूर्वाधार तथा यातायात मन्त्री रघुवीर महासेठले चुनावका लागि बनाइएको साझा घोषणापत्रमा उल्लेख गरिएका सबै काम ४ वर्षभित्र सम्पन्न गर्ने दाबी गरेका छन्।
_x000D_
_x000D_
नेपाल कम्युनिष्ट पार्टी (नेकपा) क्षीरेश्वरनाथ नगरपालिका नगर कमिटी धनुषाद्वारा महेन्द्रनगरमा आयोजित कार्यकर्ता भेटघाट तथा पार्टी प्रवेश कार्यक्रममा मन्त्री महासेठले अहिलेको सरकारलाई काम नगर्नका लागि कुनै पनि बहाना नभएकाले अबको बाँकी बचेको ४ वर्ष वर्षभित्रमा लक्षित योजना सम्पन्न गरेरै छाड्ने बताए।
_x000D_
_x000D_
आर्थिक समृद्धि र भौतिक पूर्वाधार विकासका लागि प्रधानमन्त्री केपी शर्मा ओली प्रतिवद्ध रहेको उल्लेख गर्दै उनले ४ वर्ष भित्र विकास निर्माणमा चमत्कार गरेर देखाउने दाबी गरे।
_x000D_
_x000D_
विगतमा काम भएन भनेर अहिलेको सरकारलाई तुलना नगर्न उनले आग्रह गरे। ‘विगतलाई बिर्सौँ। अहिले हाम्रा राजनेतामा इच्छाशक्ति छ। प्रधानमन्त्री ओलीले विकास निर्माणसँग सम्बन्धित सबै मन्त्रालयको सोझै निगरानी गरिरहनुभएको छ।’
_x000D_
_x000D_
अघिल्लो सरकारले देशको अर्थतन्त्र लथालिङ्ग पारेर छोडेको आरोप लगाउँदै उनले आफूहरु उच्च मनोबलका साथ काम गरेर सबै समस्या हल गर्ने बताए।
_x000D_
_x000D_
अहिले व्यापक चर्चाको विषयको रुपमा रहेको जनकपुरमा आयोजना हुने रामजानकी विवाहपञ्चमी महोत्सवको अवसरमा भारतको उत्तर प्रदेशका मुख्यमन्त्री योगी आदित्यनाथ जन्ती बनेर जनकपुर आउने र जनकपुर–जयनगर रेल्वे उद्घाटन गर्ने कुरामा कुनै किसिमको सत्यता नरहको मन्त्री महासेठले स्पष्ट पारे।
_x000D_
_x000D_
मन्त्री महासेठले मुख्यमन्त्री योगीको जनकपुरको विसुद्ध धार्मिक भ्रमण मात्र हुने बताउँदै १२ डिसेम्बर (मंसिर २६गते) कुनै रेल्वेको उद्घाटनको कार्यक्रम नभएको प्रस्ट पारे।
_x000D_
_x000D_
यातायात मन्त्री महासेठले नेपाल सरकारले भारतँग लिजमा लिएर रेल सञ्चालन गर्ने कुरा रहेकोमा अब लिजमा हैन नेपालले किनेर नै रेल सञ्चालन गर्ने प्रकृयामा अघि बढिसकेको बताए।
_x000D_
_x000D_
उनले भने, ‘रेल भारत सरकारसँग किन्नु पर्ने हो र भारत सरकारबाट यसको लागि मुल्य पनि पठाइसकेको छ तथा भारतले पठाएको मूल्य नेपाल सरकारले स्वीकार गरेर पत्राचार समेत गरिसकेको छ।’
_x000D_
_x000D_
मन्त्री महासेठले डिसेम्बरको पहिलो साताभित्र रेल किन्ने सबै प्रकृया सम्पन्न भइसक्ने बताउँदै उनले भने, ‘भारत सरकारले जुन रेल हस्तान्तरण गर्छ त्यसको १० दिन भित्र जनकपुर–जयनगर रेल्वेको उद्घाटन कार्यक्रम तय गरीन्छ र जनताको चाहना अनुसार नै सम्भवतः दुवै देशको प्रधानमन्त्रीको उपस्थिति नै रेल्वेको उद्घाटन हुन सक्छ।’
_x000D_
_x000D_
मन्त्री महासेठले डिसेम्बरभित्र जयनगरदेखि कुर्थासम्म रेल सञ्चालन हुने बताउँदै त्यसको डेढ वर्षभित्र कुर्था–बिजलपुरा हुँदै वर्दिवाससम्म रेल सञ्चालन हुने बताए। उनले आउने चुनावसम्म वर्दिवासदेखि निजगढसम्म नेपाल सरकार कै सम्पूर्ण खर्चमा सञ्चालन गरिने जनाए।
_x000D_
_x000D_
मन्त्री महासेठले वर्दिवासबाट काकटभिट्टासम्म विद्युतीय रेल सञ्चालन गर्ने सरकारको सोच रहेको जनाए। उनले यस विद्युतीय रेलको लागि डिपिआर आईसकेको र आउने ६ महिनाभित्र निर्माणको व्यवस्थापन गर्ने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751793737.png)
-1749826086.png)
