रसुवा- बर्खास्तीमा परेका प्रदेश ३ का पूर्वमन्त्री केशव स्थापित रसुवा आएका छन्। मुख्यमन्त्री डोरमणि पौडेलले स्थापितालाई भौतिक पूर्वाधारमन्त्रीबाट बर्खास्त गरेपछि पहिलो पटक रसुवा आएका स्थापितले चालु आर्थिक वर्षमा प्रदेश सरकारबाट रसुवामा सञ्चालन हुने कार्यक्रमको अनुगमन गरेका छन्।
_x000D_
_x000D_
आफू बर्खास्तीमा परेपनि मन्त्री हुँदा प्रदेशबाट रसुवा जिल्लाका लागि बनाइएका योजनाको कार्यान्वयन अवस्था हेर्न रसुवा आएको स्थापितले बताए। ‘रसुवा जिल्ला धेरै कुराको सम्भावना भएको जिल्ला हो, म मन्त्री हुँदा यस जिल्लाका लागि धेरै योजना छुट्याएको थिएँ, त्यसैले अहिले म मन्त्री हटेपनि यहाँका लागि बनाइएका योजना हेर्न आएको हुँ,’ उनले भने।
_x000D_
_x000D_
समृद्ध रसुवा निर्माणका लागि जिल्लामा धेरै सम्भावना रहेकाले प्रदेशले छुट्याएको बजेटको सदुपयोग गर्नु पर्नेमा उनले जोड दिए। जिल्लाहरूमा एकीकृत बस्ती अहिलेको आवश्यकता भएको बताएका स्थापितले शून्य लागतमा एकीकृत बस्ती विस्तार गर्न सकिने बताएका थिए।
_x000D_
_x000D_
जिल्लाको प्रदेश ‘क’ मा पर्ने क्षेत्रको अवलोकन भ्रमणका लागि प्रदेश सभासद् प्रभात लामा नेतृत्वमा बर्खास्तीमा परेका मन्त्री स्थापित सहितको पाँच सदस्सीय टोली जिल्लामा आएको हो। एक सातासम्म रसुवा रहने उक्त टोलीले जिल्लाको गोसाईकुण्ड गाउँपालिका र नौकुण्ड गाउँपालिकामा अनुगमन गर्ने बताइएको छ।
_x000D_
_x000D_
प्रदेशबाट चालू आर्थिक वर्षका लागि स्वीकृत भएको योजना उपयुक्त भए नभएको, समयमै योजना सम्पन्न गर्नका लागि गर्न सकिने काम र बजेटको सदुपयोग गर्नका लागि स्थलगत रूपमा अनुगमन गरिरहेको प्रदेश सभासद् प्रभात लामाले बताए।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751793737.png)
-1749826086.png)
