काठमाडौं– बुकवर्म फाउन्डेसनको आयोजना रहेको ‘आइएमई नेपाल लिटरेचर फेस्टिभल, २०१८’ शनिबार ‘कर्टेन रेजर’ कार्यक्रम सम्पन्न गरिएको छ। आगामी पुस ७ गतेदेखि पोखरामा आयोजना गरिने फेस्टिबलको तयारीस्वरुप ‘कर्टेन रेजर’ कार्यक्रम आयोजना गरिएको हो।
_x000D_
_x000D_
काठमाडौं गैरीधारास्थित एलिस रिसेप्सनमा भएको कार्यक्रममा भारतीय लेखक गुरचरण दासले सबै मानिस अर्थपूर्ण एवम् सुखी जीवन बिताउन चाहने र त्यस विषयमा आफ्ना पुस्तकहरुमा चर्चा गरेको धारणा राखे। आफ्नो पुस्तक ‘काम : द रिडल अफ डिजायर’माथि टिप्पणी गर्दै लेखक दासले भने, ‘आदिकालीन भारतसँग अर्थपूर्ण जीवनयापन गर्न सक्ने उपाय र उत्तर थियो। हाम्रा ऋषिमुनिहरुले तीन उद्देश्य प्रस्ताव गरेका थिए– धर्म, अर्थ र काम। धर्म भनेको नैतिक स्वास्थ्य हो। अर्थ भनेको भौतिक सुखसुविधा र तेस्रो काम हो। यी तीन कुरालाई मैले मेरा किताबहरुमा अझ नजिकबाट जान्न कोसिस गरेको छु ।’
_x000D_
_x000D_
उनले आफ्नो पुस्तक ‘इन्डिया अनबाउन्ड’मा भौतिक समृद्धिको विषय र दोस्रो पुस्तक ‘द डिफिकल्टी अफ बिइङ गुड’मा हाम्रो र देशको नैतिक जीवनको चर्चा गरेको जानकारी दिए। साथै पछिल्लो किताब ‘काम : द रिडल अफ डिजायर’मा तृष्णाको चर्चा गरेको अर्थ्याए।
_x000D_
_x000D_
संस्कृति, पर्यटन तथा नागरिक उड्डयनमन्त्री रवीन्द्र अधिकारीले कला, साहित्य एवम् संस्कृतिको समृद्धिका लागि पनि यस्ता किसिमका महोत्सव हुनुपर्नेमा जोड दिए। ‘देशको समग्र समृद्धिका लागि आर्थिक विकास मात्र पर्याप्त हुँदैन। यसका लागि कला, साहित्य एवम् संस्कृतिको समृद्धि पनि आवश्यक हुने भएकाले नेपाल लिटरेचर फेस्टिभल जस्ता महोत्सव भइराख्नुपर्छ,’ उनले भने।
_x000D_
_x000D_
उनले ‘देशको सबैभन्दा महत्वपूर्ण साहित्यिक महोत्सव’लाई सहयोग गरेकोमा आइएमई ग्रुपलाई धन्यवाद दिए।
_x000D_
_x000D_
_x000D_
_x000D_
कार्यक्रममा लेखक शिवानीसिंह थारुले आधुनिक नेपाली साहित्य २०औं शताब्दीसँगै अघि बढेको बताइन्। त्यसको एक सय वर्ष पूरा भएसँगै नेपाली साहित्यले नयाँ फड्को मारिसकेको उनको भनाइ छ। ‘पछिल्लो समय नेपाली साहित्यले नयाँ रुपमा आफूलाई अघि बढाएको छ,’ थारुले भनिन्। अब नेपाली साहित्य अन्तर्राष्ट्रिय जगतमा पुग्ने समय भइसकेको उनको भनाइ छ। नेपाली साहित्य परम्परा र नेपाली साहित्यलाई विश्व साहित्यसँग जोड्ने समय पनि आइसकेको उनले बताइन्। ‘त्यसका लागि साहित्यिक उत्सव र सम्मेलनहरु आवश्यक हुन्छन्।’, लेखक थारुले भनिन्।
_x000D_
_x000D_
प्रमुख प्रायोजक आइएमईका कार्यकारी निर्देशक सुमन पोखरेलले आइएमईलाई लिटरेचर फेस्टिभलमा प्रायोजनको अवसर दिएकोमा बुकवर्म फाउन्डेसनलाई धन्यवाद दिए। आइएमईले सामाजिक उत्तरदायित्वका क्षेत्रमा पनि काम गरिरहेको र यस्ता महोत्सव आदिमा पनि सहकार्य गरिरहने उनले प्रतिबद्धता व्यक्त गरे।
_x000D_
_x000D_
कार्यक्रममा गायक धर्मेन्द्र सेवानले रेसम फिरिरीलगायत पाँच ओटा गीतसमेत प्रस्तुत गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
