काठमाडौं- सत्तारुढ नेपाल कम्युनिष्ट पार्टीले अझै पनि केन्द्रीय सदस्यहरुको कार्यविभाजनको टुंगो लगाउन सकेको छैन। कार्यविभाजनको टुंगो लगाउनका लागि केही दिन यता लगातार पार्टीको सचिवालय बैठक बसेपनि पार्टी भित्र सहमति नबन्दा यो विषय थप पेचिलो बन्दै गएको छ।
_x000D_
_x000D_
शनिबार प्रधानमन्त्रीको सरकारी निवास बालुवाटारमा बसेको सचिवालय बैठकमा कार्यविभाजनको बारेमा छलफल भएपनि थप गृहकार्य गर्नुपर्ने भन्दै पर्सि सोमबारसम्मका लागि धकेलिएको छ।
_x000D_
_x000D_
प्रवक्ता नारायणकाजी श्रेष्ठले भोली आईतबार थप गृहकार्य गरी सोमबार मात्रै कार्यविभाजनको टुंगो लगाउने निर्णय बैठकमा भएको जानकारी दिए। 'केन्द्रीय सदस्यको कार्यविभाजनको टुंगो लगाएपछि मात्रै जनवर्गीय संगठनको एकीकरण सुरु गरिनेछ,' उनले भने।
_x000D_
_x000D_
लामो समय सम्म केन्द्रीय सदस्यहरुको कार्यविभाजनको टुंगो लाग्न नसक्दा पार्टी भित्र असन्तुष्टि चुलिँदै गएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
