राजविराज– तीर्थयात्रामा गएर फर्किदा बस दुर्घटनामा परी मृत्यु भएकाका परिवारलाई प्रदेश २ सरकारले प्रति परिवार एक–एक लाख राहत उपलब्ध गराउने भएको छ।
_x000D_
_x000D_
प्रदेश २ का आन्तरिक मामिला तथा कानुनमन्त्री ज्ञानेन्द्रकुमार यादवले शनिबार राहतको घोषणा गरेका हुन्। मृतकप्रति श्रद्धाञ्जली तथा घाइतेको अवस्था बुझ्न सप्तरीको डाकनेश्वरी नगरपालिका पुगेका यादवले सरकारका तर्फबाट मृतक परिवारलाई राहत स्वरुप एक एक लाख रुपैयाँ लाख रुपैँया दिने बताएका थिए।
_x000D_
_x000D_
यसका साथै घाइतेको उपचार खर्च पनि प्रदेश सरकारले व्यर्होने मन्त्री यादवले घोषणा गरेका छन्।
_x000D_
_x000D_
यसअघि डाकनेश्वरी नगरपालिकाले मृतका परिवारलाई २५÷२५ हजार रुपैँया दिने घोषणा गरेको थियो।
_x000D_
_x000D_
सुनसरीको बराहक्षेत्र र चतराधाम दर्शन गरेर फर्किने क्रममा को १ ख २७९९ नम्बरको बस सप्तरीको भारदह–राजविराज सडकखण्ड अन्तर्गत हनुमाननगर कंकालिनी नगरपालिका १० मा दुर्घटना भएको थियो। तीन जनाको घटनास्थलमै र दुई जनाको उपचारका क्रममा राजविराजस्थित सगरमाथा अञ्चल अस्पतालमा मृत्यु भएको थियो।
_x000D_
_x000D_
बस पोखरीमा पल्टिँदा डाकनेश्वरी नगरपालिका ५ भुतहीका ५५ वर्षीय दिनेश रजक र ५० वर्षीया बउकीदेवी रजक, ७० वर्षीया वेचनीदेवी यादव, ६० वर्षीया सिकिलादेवी साह र ६० वर्षीया भुखनीदेवी यादवको मृत्यु भएको थियो।
_x000D_
_x000D_
६७ जना यात्रु सवार रहेको बस दुर्घटनाका घाइतेमध्ये ११ जनाको धरान स्थित बिपी कोईराला स्वास्थ्य विज्ञान प्रतिष्ठान, तीन जनाको विराटनगरस्थित न्युरो अस्पताल र ३४ जनाको राजविराजस्थित सगरमाथा अञ्चल अस्पतालमा उपचार भैरहेको छ। विराटनगरमा उपचाररत तीन जनाको अवस्था चिन्ताजनक रहेको डाकनेश्वरी नगरपालिकाका मेयर साहले बताए।
_x000D_
_x000D_
मृतक पाँचै जनाको सामुहिक दाहसंस्कार गरिएको छ। डाकनेश्वरी नगरपालिका ४ को भुतही स्थित खडक खोलामा दाहसंस्कार गरिएको स्थानीय जयप्रकाश यादवले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
