थाइल्याण्ड- सार्वजनिक नीति निर्माणलाई मूर्त रूप दिन गैरआवासीय नेपाली संघ (एनआरएनए)को थिंक-ट्यांक र नेपाल सरकारको थिंक-ट्यांकबीच औपचारिक रूपमा साझेदारी सुरु भएको छ।
_x000D_
_x000D_
एनअारएनएले परराष्ट्र मन्त्रालयलाई पत्र पठाउँदै आफूहरूले हालै गठन गरेको थिंक-ट्यांक नेपाल पोलिसी इन्ष्टिच्युट (एनपीआई) र सरकारी थिंक-ट्यांकबीच साझेदारीका लागि आग्रह गरेको थियो। एनपीआईको नेतृत्व गरिरहेका खगेन्द्र ढकालले बैंककस्थित नेपाली दूतावासमा बिहीबार आयोजित एक कार्यक्रमबीच परराष्ट्रमन्त्री प्रदीप ज्ञावालीलाई यससम्बन्धि पत्र बुझाएका हुन्।
_x000D_
_x000D_
कार्यक्रममा बोल्दै मन्त्री ज्ञवालीले एनअारएनएलाई विकास साझेदारको रूपमा स्वीकार गर्न आफू दिलैदेखि लाग्ने बताउँदै नीति निर्माण र सुधार प्रक्रियामा एनपीआईसँग सरकार पनि लाग्ने बताए।
_x000D_
_x000D_
मन्त्री ज्ञवालीलाई बुझाइएको पत्रमा हस्ताक्षर गर्दै संघका अध्यक्ष भवन भट्टले सरकारीको जारी नीति बहसमा गैरआवासीय नेपालीले योगदान गर्ने प्रतिबद्धता जनाए। यसका लागि राष्ट्रिय योजना आयोगलाई 'फोकल प्वाइन्ट' बनाउँदै एनपीआईले विभिन्न सरकारी निकायसँग नियमित सहकार्य गर्नुपर्ने बताए।
_x000D_
_x000D_
भट्टले एनपीआई गैरआवासीय नेपाली संघको विधानको धारा २० को उपधारा ६ अनुसारको संस्था भएको बताए। यसअघि गत अक्टोबरमा सम्पन्न एनअारएनएको पहिलो 'ग्लोबल एनआरएन नलेज कन्फेरेन्स'को 'प्लेनरी सेसन'मा एनपीआईले आफ्नो रणनीतिक योजना छलफलका लागि प्रस्तुत गरेको थियो।
_x000D_
_x000D_
उक्त सेसनमा परराष्ट्रमन्त्री, योजना आयोगका उपाध्यक्ष, विभिन्न क्षेत्रका थिंक-ट्यांकले नेपालको विकास नीतिमा 'डायस्पोरा'को भूमिकाबारे धारणा राखेका थिए। प्राप्त सुझाव संकलन गरी तयार पारेको एनपीआईको रणनीतिक योजना (२०१९–२०२१)को नयाँ मस्यौदा एनपीआईका कार्यसमिति सदस्यहरु राजेन्द्र श्रेष्ठ (एआइटी एसईआरडीका डिन), रमेश सिंह (एक्सन एडका पूर्व प्रमुख कार्यकारी अधिकृत) र विश्व तिवारी (यूएनडीपी सम्बद्ध अर्थशास्त्री)ले परराष्ट्रमन्त्री ज्ञवालीलाई हस्तान्तरण गरेका थिए।
_x000D_
_x000D_
उनीहरुले यो रणनीतिक योजना बृहत्तर हितका लागि भएकोले सबैको सुझाव र प्रतिक्रियाका लागि खुला रहेको पनि बताएका थिए। सोही कार्यक्रममा बोल्दै एनपीआईका अध्यक्ष खगेन्द्र ढकालले यो संस्था नेपालीहरुको अन्तर्राष्ट्रिय थिंक-ट्यांक तथा नलेज प्लेटफर्म हुने भन्दै नेपाली र नेपाली मूलका विश्वभरका विज्ञलाई यसको अंश हुन आग्रह गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
