काठमाडाैं– राष्ट्रपति विद्यादेवी भण्डारीलाई १८ करोडको सवारी साधन खरिद गर्ने प्रक्रियाप्रति सांकेतिक विरोध गर्दै केही युवाहरूले राष्ट्रपतिका लागि गाडी खरिद गर्न भीख माग्न थालेका छन्।
_x000D_
_x000D_
राजधानीको पशुपतिनाथ मन्दिर परिसरमा भीख माग्न थालिएको छ। जनताको प्रत्यक्ष सरोकार रहेको आधारभूत सेवा सुविधाहरु सम्बाेधन हुनुको साटो जनताले जनताको लागि चुनेका जनप्रतिनिधि र सरकार प्रमुख नै विलासिताको पछि लागेको भन्दै युवाहरूले सांकेतिक विरोध स्वरुप एक रुपैयाँ भीख मागेका हुन्।
_x000D_
_x000D_
शनिबार बिहान पशुपतिनाथ मन्दिर परिसरमा भेला भएका युवाहरूले 'दान गर्नुहोस् पूण्य कमाउनुहोस्' भन्दै सर्वसाधरणसँग एक एक रुपैयाँ भीख मागेका हुन्।
_x000D_
_x000D_
१८ करोड रुपैयाँको गाडी चढ्ने नेपालीको हैसियत नभएको र राज्यको ढुकुटी रित्याएर कसैको पनि विलासिताको चाहना पूरा गराउन जनताले सरकारलाई म्याण्डेट दिन नसक्ने भन्दै युवाहरुले निर्णयको विरोध गरेका छन्।
_x000D_
_x000D_
युवाहरुले पशुपति बनकाली क्षेत्रमा बसेर दर्शनार्थी, बटुवा, बालबालिका बुढाबुढी सबैसँग भीख मागेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751793737.png)
-1749826086.png)
