भोजपुर– निर्माणाधीन भोजपुर बसपार्क अलपत्र बन्दा लाखाैँको लगानी बालुवामा पानी जस्तै भएको छ। पाँच वर्ष अगाडि भोजपुर सदरमुकाम नजिकै निर्माण थालिएको उक्त बसपार्क अलपत्र बनेको हो।
_x000D_
_x000D_
भोजपुर नगरपालिका–७ मा निर्माण थालिएको बसपार्कलाई निरन्तरता नदिँइदा सम्याएको ठाउँ पनि पानीले छियाछिया बनाएको छ भने ठाउँठाउँमा लगाएको पर्खालसमेत भत्किएका छन्।
_x000D_
_x000D_
त्यस्तै शौचालय तथा अन्य संरचना पनि जीर्ण बनेका छन्। अहिले निर्माणस्थल झाडीमा परिणत भएको छ भने थोरै रहेको खाली ठाउँमा पनि सामग्री भण्डार गर्ने स्थल बनेको छ।
_x000D_
_x000D_
तर, स्थानीय तहका जनप्रतिनिधि भने निर्माण कार्यलाई कसले निरन्तरता दिने भन्ने विषयमा अलमलमा रहेको बताउँछन्।
_x000D_
_x000D_
वडा नं ७ का अध्यक्षले भने, 'यो निर्माणमा करिब ४० लाख खर्च भइसकेको छ तर स्थानीय तह कार्यान्वनमा आएपछि स्थानीय सरकार वा कस्ले काम गर्ने भन्ने अन्योल छ।'
_x000D_
_x000D_
सुरुमा कोदार भौतिक पूर्वाधार समितिले निर्माणको जिम्मा लिएर २० लाख खर्च गरेको र अर्को पटक आरएनआर निर्माण सेवा प्रालिले पनि २० लाख लिएर काम गरेर छोडेको उनले जानकारी दिए।
_x000D_
_x000D_
स्थानीय तहले गत वर्ष केही रकम विनियोजन गरे पनि यस वर्ष भने रकम विनियोजन नगरेको वडाध्यक्ष तामाङले बताए।
_x000D_
_x000D_
करिब पाँच रोपनी जमिनमा निर्माण थालिएको बसपार्कमा सुरुमा सुरक्षा नभएको तथा अपायक परेको भन्दै व्यवसायीले बस लगेका थिएनन्।
_x000D_
_x000D_
त्यसपछि लामो समयसम्म निर्माण कार्यमा चासो नदिइँदा समस्या भएको हो। बसपार्क विविध कारणले अन्यत्र सार्नुपर्ने बाध्यता रहेको भनाइ बस व्यवसायीको थियो।
_x000D_
_x000D_
यातयात इञ्चार्ज महेश राईले भने, 'हामीले सुरुमा सुरक्षाका कारण बस नलगेका हौँ तर अहिले जीर्ण बसपार्कलाई स्तरोन्नती गरेर सुरक्षाको प्रत्याभूति दिए हामी बस लैजान तयार छौँ।'
_x000D_
_x000D_
बसपार्क निर्माणमा ढिलाइ हुँदा यातयात व्यवस्थापनमा समस्या हुने गरेको व्यवसायीको गुनासो थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751793737.png)
-1749826086.png)
