जनकपुर– प्रदेश २ को प्रदेशसभामा सत्ता साझेदार दलका सांसदहरुले नै सरकारको कामकाजको कडा आलोचना गरेका छन्।
_x000D_
_x000D_
शुक्रबार बसेका प्रदेशसभा बैठकमा सरकारले समृद्धि र विकासको नारा दिए पनि व्यवहारमा उतार्न नसकेको भन्दै सत्ता साझेदार दलका सांसदहरूले प्रदेश सरकारको आलोचना गरेका हुन्।
_x000D_
_x000D_
राजपाका प्रदेशसभा सांसद बाबुलाल साह कानुले प्रदेश २ का नागरिकले सरकार भएको आभास गर्न नसकेको गुनासाे गरे। उनले प्रदेशका मन्त्रीहरू शिलान्यास र पूजापाठ जस्ता कार्यक्रममा बढी सहभागी हुने गरेको बताउँदै त्यस्ता कार्यक्रममा नगएर जनतालाई अनुभूति हुनेगरी कार्यक्रम ल्याउन सुझाव दिए।
_x000D_
_x000D_
चालु आर्थिक वर्षको प्रथम चौमासिक बितिसकेपनि प्रदेश सरकारले विकास निर्माणको कुनै योजना अगाडि बढाउन नसकेको भन्दै यस्तै गतिमा हिँडे प्रदेशको समृद्धि नारामै सीमित रहने जिकिर गरे।
_x000D_
_x000D_
सांसद कानुले सरकारको कामबारे जनताले जिज्ञासा राख्दा झुटो बोलेर कुरा टार्ने अवस्था उत्पन्न भएको बताए।
_x000D_
_x000D_
मालपोतदेखि ऋण लिन बैंकहरुमा कमिसनको खेल चलिरहँदा समेत प्रदेश सरकारले आफ्नो अधिकार प्रयोग गरेर रोक्न नसकेको अवस्था देखिएको उनले बताए।
_x000D_
_x000D_
यसैगरी राजपाका अर्का सांसद रानीशर्मा तिवारीले पनि प्रदेश २ को समृद्धिको आधार कृषि रहेपनि हालसम्म सरकारले यस क्षेत्रमा केही गर्न नसकेको आरोप लगाइन्।
_x000D_
_x000D_
दोस्रो चौमासिकसम्म आइपुग्दासमेत सरकारले कार्यविधि तयार गर्न नसक्दा फेरि पनि अषाढे विकासमा रकम खर्च हुने निश्चित प्रायः रहेको भन्दै तिवारीले यस्तै गतिमा सरकार अगाडी बढे समृद्धि कुनै हालतमा सम्भव नरहेको बताइन्।
_x000D_
_x000D_
सहरी विकास कार्यालय मार्फत भइरहेका विकास निर्माणका कार्यमा ठेकेदारले व्यापक लापारबाही गरिरहँदा समेत प्रदेश सरकारले केही बोल्न नसकेको उनको आरोप थियो।
_x000D_
_x000D_
राजपाका सांसद जानकी रमण साहले रातु नदीले महोत्तरीमा वर्षा याममा बितण्डा मचाइरहेकोले नियन्त्रणतर्फ ध्यान दिन पटकपटक आग्रह गरेपनि प्रदेश सरकारले सुनवाई नगरेको आरोप लगाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
