भैरहवा- नेपाली कांग्रेसले ५ नम्बर प्रदेशमा संकलन गरेको राजनीतिक प्रस्ताव मस्यौदा संकलनमा पार्टीले आगामी दिनमा तय गर्ने बाटो स्पष्ट पार्दै धर्म स्वतन्त्रताका विषयमा महासमिति बैठकमा खुलेर बहस गर्न सुझाव दिएका छन्।
_x000D_
_x000D_
वर्तमान अवस्थामा नेपाली कांग्रेस एजेन्डाविहीन जस्तै भएको भन्दै कांग्रेसका महासमिति सदस्य, संघीय, राष्ट्रियसभा तथा प्रदेशसभा सांसद, पार्टी सभापति, मेयर तथा उपमेयर, गाउँपालिका अध्यक्ष तथा उपाध्यक्ष एवं कांग्रेसका बौद्धिक व्यक्तिहरुले सुझाव दिएका हुन्। पार्टीले परराष्ट्र नीति तथा नयाँ पुस्तालाई पार्टीमा सहभागि गराउने विषयमा गम्भीर समीक्षा गर्न उनीहरुले आग्रह गरेका छन्।
_x000D_
_x000D_
कांग्रेसले अब लिनुपर्ने बाटो, संघीयता कार्यान्वयनमा देखापरेका समस्या र समाधानको उपाय, पराराष्ट्र नीति, नयाँ पुस्तालाई कांग्रेसमा आबद्ध गर्ने उपाय लगायतका विभिन्न ११ बुँदामा केन्द्रित रहेर राय तथा सुझाव दिइएको छ।
_x000D_
_x000D_
६ वटा समूह बनाएर पार्टीले सुझाव संकलन गरेको थियो।
_x000D_
_x000D_
सुझाव दिँदै कांग्रेसका रोल्पा कार्यवाहक सभापति मोहन परियारले कांग्रेसको अब बन्ने दस्तावेजमा धार्मिक स्वतन्त्रताका विषयमा खुलेर उल्लेख गर्नुपर्ने सुझाव दिए। उनले पार्टीले धर्म निरपेक्षता राख्ने वा धर्म सापेक्षता राख्ने विषयमा पार्टीमा बहस चलाउन आवश्यक रहेको बताए। ३० किलो सुनकाण्ड, विमानकाण्ड र निर्मला हत्या प्रकरणमा पार्टीको स्पष्ट धारणा नआएको भन्दै यस्ता विषयमा पार्टीले स्पष्ट धारणा तत्काल सार्वजनिक गर्नुपर्ने उनको भनाइ थियो।
_x000D_
_x000D_
त्यस्तै बर्दिया सभापति एवं पूर्वमन्त्री संजय गौतमले एक व्यक्ति एक पदको अवधारणा लागू गर्दै समावेशी सहभागिता कार्यान्वयनमा जोड दिनुपर्ने बताए। वर्तमान सरकारलाई जनविरोध सरकार हो भनेर दस्तावेजमै राख्नुपर्ने र जनतालाई बुझाउनुपर्ने उनको सुझाव छ।
_x000D_
_x000D_
यस्तै कांग्रेस नेता लेखनाथ पोखरेलले भ्रातृ तथा शुभेच्छुक संस्था तथा संगठनको निर्वाचन, बैठक तथा अन्य क्रियाकलाप समयमै गर्नुपर्ने सुझाव दिए। पार्टीलाई बलियो बनाउन बुथदेखि नै प्रशिक्षण तथा तालिमको व्यवस्था गर्नुपर्ने र बुथ समितिबाटै नेतृत्वलाई बलियो बनाउन सुझाव दिए।
_x000D_
_x000D_
कांग्रेस अर्घाखाँची सभापति विष्णु खनाल मुस्कानले विदेशमा रहेका नेपालीहरुलाई मताधिकारको ग्यारेन्टी गर्नेगरी पार्टीले व्यवस्था मिलाउनुपर्ने बताए।
_x000D_
_x000D_
गुल्मी सभापति भुवन श्रेष्ठले संकलन भएका राय तथा सुझावलाई राजनीतिक प्रस्तावमा समावेश गर्न सुझाव दिए। उनले वर्तमान वामपन्थी शक्ति चरम अवसरवादी शक्तिको रुपमा उदाएको र पार्टीले सोही अनुरुप हेर्दै जनतामाझ बुझाउन जरुरी रहेको बताए। उनले पार्टीले विगतमा गरेका गल्तीलाई सच्याउँदै जानुपर्ने बताए।
_x000D_
_x000D_
यस्तै बाँके जिल्लाबाट निर्वाचित सांसद सुरेन्द्र हमालले वर्तमान सरकार संघीयता कार्यान्वयनमा फितलो देखिएकोले पार्टीले स्पष्ट धारणा राख्नुपर्ने सुझाव दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
