डडेलधुरा– डडेलधुरामा बस दुर्घटना हुँदा १६ जनाको मृत्यु भएको छ। बस उग्रतारा मन्दिरको मेला हेरेर डोटी फर्किने क्रममा डा केआई सिंह राजमार्गअन्तर्गत अमरगढी नगरपालिका–११, रदुवा खोलामा दुर्घटनामा परेको हो।
_x000D_
_x000D_
डोटीको शिखर नगरपालिकाकाे बानिडुग्रेसइनस्थित पिस जोन एकेडेमीको बस से१क २९३ नम्बरको बस रदुवा खोलामा खस्दा १२ जनाको घटनास्थलमा नै मृत्यु भएको डडेलधुराका प्रहरी प्रमुख डिएसपी डम्बरबहादुर केसीले जानकारी दिए। प्रहरी प्रमुख केसीका अनुसार बस सडकबाट करिब ३ सय मिटर तल खसेको छ।
_x000D_
_x000D_
उपचारका लागि डडेलधुरा सदरमुकामस्थित उपक्षेत्रीय अस्पताल ल्याइएकामध्ये ४ जनाको पनि मृत्यु भइसकेको केसीले जानकारी दिए। हाल उपक्षेत्रीय अस्पतालमा १० जनाकाे गम्भीर अवस्थामा उपचार भइरहेकाे छ। दुर्घटनामा घाइते भएका १७ जनालाई उपचारका लागि अस्पताल ल्याइएकाे प्रहरी जनाएकाे छ।
_x000D_
_x000D_
_x000D_
_x000D_
बसमा ३५ जनाभन्दा बढी सवार रहेको अनुमान गरिएको छ। दुर्घटना साँझ ७ बजेतिर भएको हो। हाल नेपाल प्रहरी, सशस्त्र प्रहरी तथा स्थानीयको सहयोगमा उद्दारकार्य चलिरहेको प्रहरीले जनाएको छ। गम्भीर घाइतेको संख्या बढी रहेकाले मृतकको संख्या बढ्नसक्ने जनाइएको छ।
_x000D_
_x000D_
दुर्घटनाको कारण भने हालसम्म खुल्न नसकेको प्रहरी प्रमुख केसीले बताए। उनले रातको समय र भिरालो क्षेत्र भएकोले उद्दार कार्यमा कठिनाइ भइरहेको जानकारी दिए।
_x000D_
_x000D_
बिहीबर अमरगढी नगरपालिका–८ स्थित उग्रताराको मन्दिरमा लागेको मेला भर्न आएका व्यक्ति सवार स्कूल बस दुर्घटनामा परेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
