काठमाडौं- गत कात्तिक २९ र मंसिर ३ गतेको मन्त्रिपरिषद्को निर्णय सार्वजनिक गरिएको छ।
_x000D_
_x000D_
बिहीबार सञ्चार मन्त्रालयमा पत्रकार सम्मेलन गरी सञ्चार तथा सूचना प्रविधिमन्त्री गोकुल बाँस्कोटाले निर्णय सार्वजनिक गरेका हुन्।
_x000D_
_x000D_
सरकारले गत ०७१ साउन १७ गते सिन्धुपाल्चोकको जुरेमा गएको पहिरो पीडितको लागि संकलन गरिएको रकम फुकुवा गर्ने निर्णय गरेको छ। सो पहिरोमा परी १ सय ४५ जनाको ज्यान गएको थियो। १ सय ३९ घर पूर्ण रुपमा नष्ट भएको थियो भने १ सय ४७ घरमा क्षति पुगेको थियो। यो कात्तिक २९ को निर्णय हो।
_x000D_
_x000D_
सोही दिन गरिएको निर्णय अनुसार अब मंसिर ९ (नोभेम्बर २५) गते लैंगिक हिंसा विरुद्धको अभियान दिवस मनाइने भएको छ।
_x000D_
_x000D_
त्यस्तै, मंसिर ३ को निर्णय अनुसार सरकारले मंसिर ११ गते सामाजिक सुरक्षा दिवस मनाउने भएको छ। सो दिवसको सुभारम्भ प्रधानमन्त्रीले प्रज्ञा भवनमा गर्ने प्रवक्ता बाँस्कोटाले जानकारी दिए।
_x000D_
_x000D_
त्यस्तै, ७ सय ५३ स्थानीय तहमा सो अन्तर्गत रोजगार केन्द्र स्थापना गर्ने निर्णय गरिएको छ। सो कार्यालयमा तत्कालका लागि एक जना अधिकृत रहने व्यवस्था गरिएको छ।
_x000D_
_x000D_
सञ्चारमन्त्रीको प्रश्नमा मन्त्री बाँस्कोटाले भारत उत्तर प्रदेशका मुख्यमन्त्री योगी आदित्यनाथ आउने प्रस्ताव सरकारमा नआएको बताए। 'सरकारले आउने निर्णय स्वीकृत गरेको पनि छैन,' उनले भने।
_x000D_
_x000D_
राम–जानकी विवाह महोत्सवमा सहभागी आदित्यनाथ जनकपुर आउने चर्चा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
