राजापुर– बर्दियाको मधुवन नगरपालिका प्रमुख गणेशबहादुर क्षेत्रीले शिक्षाको गुणस्तर सुधार गर्ने भन्दै आफ्नो तलब भत्ताबाट विद्यालयलाई सहयोग गरेका छन्।
_x000D_
_x000D_
नगर प्रमुख भएबापत राज्यले दिने सेवा सुविधा सामाजिक सेवामा लगाउने घोषणा गरेका क्षेत्रीले तलब भत्ताको रकमले सहयोग प्रदान गर्न थालेका हुन्। नगरप्रमुख क्षेत्रीले भने, 'राजनीति जनताका लागि गर्ने हो, पैसा कमाउन होइन।'
_x000D_
_x000D_
उनले नगरपालिका–१ सूर्यपटुवाअन्तर्गत त्रिभुवन माध्यमिक विद्यालयलाई तीन महिनाको तलब १ लाख ५ हजार सहयोग गरेका छन्।
_x000D_
_x000D_
होटल व्यवस्थापन कक्षा सञ्चालन र भौतिक पूर्वाधार विकास लागि आयोजित श्रीमद् भागवत धन धान्याञ्चल सप्ताह ज्ञान महायज्ञ तथा शैक्षिक महोत्सवमा उनले सो रकम सहयोग गरेका हुन्। उनले भने, 'यहाँबाट नै आफ्नो सामाजिक कार्यको सुरुआत गरेको छु।'
_x000D_
_x000D_
क्षेत्रीले यसअघि एक महिना बराबरको तलब बिरामीको उपचारका लागि खर्च गरेका थिए।
_x000D_
_x000D_
प्रत्येक वडामा प्रविधिक कक्षा सञ्चालनार्थ र भौतिक अवस्था कमजोर रहेका विद्यालयलाई सहयोग गर्ने उद्देश्य लिएको बताउँदै क्षेत्रीले आफ्नो तलब रकम सबै जनताकै करको रकम भएकाले जनतालाई नै सहयोग गर्ने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
