दमौली– तनहुँको भानु नगरपालिकामा चितुवाको आक्रमणबाट सर्वसाधारणको मृत्यु हुन थालेपछि त्यसलाई नियन्त्रणमा लिन राष्ट्रिय प्रकृति संरक्षण कोषका चार प्राविधिक टोलीले प्रयास थालेका छन्।
_x000D_
_x000D_
गत कात्तिक २८ गते उक्त नगरपालिकाको वडा नं ४ जोखाने निवासी चार वर्षीया बालिका रञ्जिता लम्सालको चितुवाको आक्रमणबाट मृत्यु भएपछि जिल्ला प्रशासन कार्यालयले चितुवा खोज्न प्रहरी परिचालन गरी चार दिन खोज्दासमेत नभेटिएपछि संरक्षण कोषका प्राविधिक मंगलबार तनहुँ आइपुगेका हुन्।
_x000D_
_x000D_
संरक्षण कोषबाट आएका प्राविधिकले मंगलबार भानुको जंगलमा खोर राखे पनि त्यहाँ चितुवा नआएकाले बुधबार पुनः जोखानेको जंगल क्षेत्रमा अर्को खोर राखिएको जिल्ला वन कार्यालयका प्रमुख केदार बरालले जानकारी दिए।
_x000D_
_x000D_
यसअघि विसं २०७४ फागुन १ गते वडा नं ३ दोरदोरका छ वर्षीय विशाल श्रेष्ठको चितुवाको आक्रमणबाट मृत्यु भएको थियो भने गत मङ्सिर १ गते पनि वडा नं २ निवासी सात वर्षीय सन्जन नेपाली घाइते भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
