काठमाडाैं– राष्ट्रिय ध्वजाबाहक नेपाल एयरलाइन्सले अधिकृत पुँजी अति नै न्यून भएका कारण नगद प्रभावमा रकम अभाव भएको बताएको छ।
_x000D__x000D_
निगमले हालको वित्तीय अवस्थासहित भावी योजना तय गर्दै जारी गरेको स्वेतपत्रमा नगद प्रभावमा समस्या रहेको उजागर गरेको हो।
_x000D__x000D_
निगमको अधिकृत पूँजी ३० करोड रहेको स्वेतपत्रमा उल्लेख गरिएको छ। हाल निगमको पूँजी लगानी ३ अर्ब १० करोड ३८ लाख रहेको स्वेतपत्रमा उल्लेख छ।
_x000D__x000D_
‘ऋण मात्रै ३७ अर्ब ५८ करोड ५६ लाख २४ हजार ४ सय ३ रहेको अवस्थामा अधिकृति पूँजी अति नै न्यून भएका कारण नगद प्रभावमा समस्या आएको हो’, स्वेतपत्र जारी गर्दै निगमका कार्यकारी अध्यक्ष मदन खरलेले भने, ‘ जहाज खरिदमा लिएको कर्जा रमक मात्रै ३२ अर्ब ७८ करोड छ। नगद पूँजी अनुपात ३९.८२ छ। जसका कारण नेपाल एयरलाइन्स उच्च वित्तीय जोखिममा छ।’
_x000D__x000D_
नगद प्रभावमै समस्या आइपछि निगमले सरकारसँग पूँजी विस्तारको लागि रकम मागेको उनको भनाइ छ। ‘हामीले २० अर्ब रुपैयाँ माग गरेको छौं’, खरेलले भने, ‘सरकारले एकैपटकमा हामीले भनेको रकम दिनुपर्छ भन्ने पनि छैन, आवश्यकताअनुसार नगद प्रभावमा समस्या नपर्नेगरी रकम दिए पनि हुन्छ।’
_x000D__x000D_
निगमले सरदर वार्षिक १०.५० प्रतिशतका दरले कर्जाको ब्याज भुक्तानी गर्नुपर्ने हुँदा पनि निगमको तरलताको अवस्था तथा नाफामा सिधै असर परेको स्वेतपत्रमा उल्लेख गरिएको छ। निगमले वार्षिक कर्जाको ब्याजमा मात्रै ३ अर्ब ६६ करोड रुपैयाँभन्दा बढी तिर्नुपर्ने अवस्था छ।
_x000D__x000D_
निगमले भर्खरै मात्रै खरिद गरेको वाइडबडी जहाजको व्यवसायी योजनाअनुसार सञ्चालन नभएसम्म उक्त कमीलाई पूर्ति गर्न पनि तत्कालै सरकारले आर्थिक सहयोग गर्नुपर्ने स्वेतपत्रमा उल्लेख छ।
_x000D__x000D_
निरन्तर नाफामा
_x000D__x000D_
निगमले जारी गरेको स्वेतपत्रमा संस्थान निरन्तर फाइदामा गएको देखाएको छ। गत आव २०७४/०७५ मा मात्रै निगमले ३५ करोड रुपैयाँ भन्दा बढी नाफा आर्जन गरेको छ।
_x000D__x000D_
निगमका नाफा क्रमश आव २०७३/०७४ मा ७ करोड ४५ लाख, आव ०७२/०७३ मा २६ करोड, आव २०७१/०७२ मा १ करोड ६१ लाख र आव २०७०/०७१ मा १ करोड ९५ लाख रुपैयाँ मात्रै फाइदा भएको उल्लेख छ।
_x000D__x000D_
तर, निगमको संचित पूँजीतर्फ भने नोक्सानी रहेको छ। जसमा आव २०७४/०७५ मा २ अर्ब १६ करोड, २०७३/०७४ मा २ अर्ब ५१ करोड रुपैयाँ सचित नोक्सानी रहेको स्वेत पत्रमा उल्लेख छ।
_x000D__x000D_
निगमको ऋण
_x000D__x000D_
नेपाल एयरलाइन्सको ऋण मात्रै ३७ अर्ब ५८ करोड ५६ लाख २४ हजार ४ सय ३ रुपैयाँ रहेको छ। जसमा कर्मचारी सञ्चयकोषलाई एयर बस ३२०–२०० जहाज खरिदमा लिएको ८ अर्ब ८७ करोड, कर्मचारी सञ्चयकोषको चक्रीय कर्जा एक अर्ब १० करोड, कर्मचारी सञ्चयकोषसँग नै वाइडबडी जहाज खरिदमा लिएको ११ अर्ब ९९ करोड र नागरिक कोषकोसँग पनि वाइडबडी जहाज खरिद गर्दा लिएको १२ अर्ब रुपैयाँ भन्दा बढी ऋण रहेको छ।
_x000D__x000D_
यसैगरी, नेपाल नागरिक उड्डयन प्राधिकरणको २८ करोड ७१ लाख, क्यानेडियन ऋण २ करोड ८७ लाख, सरकारी ऋण ५३ करोड रुपैयाँ लगायतको ऋण रहेको छ।
_x000D__x000D_
३७ अर्बको जहाज तथा इन्जिन
_x000D__x000D_
नेपाल एयरलाइन्सको जहाज तथा इन्जिनको सम्पति मात्रै ३७ अर्ब रुपैयाँ भन्दा बढी रहेको छ। जसमा दुई थान वाइबडी जहाजको २४ अर्ब ५१ करोड, दुई थान एयरबसको ८ अर्ब २१ करोड, बोइङको ६५ करोड, ३ वटा टिवनअटरको १६ लाख २२ हजार, दुई वटा एमए ६० को २ अर्ब ६४ करोड र दुई वटा वाई १२ को १ अर्ब ६८ करोड रुपैयाँ भन्दा बढी सम्पति रहेको स्वेतपत्रमा उल्लेख छ।
_x000D__x000D_
निगमको सम्पत्ति ४८ अर्ब ९३ करोड
_x000D__x000D_
नेपाल एयर लाइन्सको कुल सम्पत्ति मात्रै ५० अर्ब रुपैयाँको हाराहारीमा रहेको आज बिहीबार जारी स्वेतपत्रमा उल्लेख छ। निगमसँग जहाज तथा इन्जिनको सम्पत्ति ३७ अर्ब ७२ करोड, जग्गा तथा भवनको सम्पत्ति ७ अर्ब ५९ करोड, आसामी ७५ करोड, बैंक मौज्दात २० करोड, जहाजको पार्टपूर्जा तथा मौज्दातको २ अर्ब ४३ करोड र ग्राउन्ड इक्यिुमेन्टको २१ करोड भन्दा बढी रकम रहेको छ।
_x000D__x000D_
कर्मचारी अवकाशमै सवा एक अर्ब
_x000D__x000D_
नेपाल एयरलाइन्सले आफ्नो कर्मचारीलाई अवकाश दिँदा मात्रै सवाँ एक अर्बभन्दा बढी रकम आवश्यक पर्ने स्वेतपत्रमा उल्लेख गरेको छ। जसअन्तर्गत उपदानमा ५२ करोड ७४ लाख र बिदा–उपचार लगायत शिर्षकका लागि ७३ करोड ११ लाख रुपैयाँ आवश्यक रहेको स्वेतपत्रमा उल्लेख छ। तर, निगमले अहिलेसम्म ३१ करोड रुपैयाँ मात्रै भुक्तानी गरेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
![Nepal Live Samachar नेपाल लाइभ समाचार, जेठ २९ [भिडियाे]](https://nepallive.net/uploads/posts/500X300/samachar++-299-1718118150.jpg)
![Nepal Live Samachar नेपाल लाइभ समाचार, जेठ २७ [भिडियाे]](https://nepallive.net/uploads/posts/500X300/samachar++-1717941479.jpg)
