काठमाडौं– नेकपा एमालेका मनोनीत केन्द्रीय सदस्यहरूको शपथ ग्रहण आज हुँदैछ ।
पार्टी कार्यालय च्यासलमा अपराह्न ३ बजे शपथग्रहण कार्यक्रम हुने एमाले प्रचार विभाग प्रमुख निरज आचार्यले जानकारी दिएका छन्।
असोज ५ गतेदेखि ८ गतेसम्म बसेको एमाले केन्द्रीय कमिटी बैठकले ३३ जनालाई केन्द्रीय सदस्यमा मनोनीत गरेको थियो। मनोनीत हुनेमा अन्य पार्टीबाट एमालेमा आएका १३ जना पनि छन्।
एमालेको विधानमा केन्द्रीय कमिटीको १० प्रतिशत सदस्य मनोनीत गर्न सकिने व्यवस्था छ । सोही व्यवस्थाअनुसार ३३ जना मनोनीत भएका हुन् ।
त्यस्तै, एमालेले स्थायी कमिटीमा पनि ७ जना सदस्य मनोनीत गरेको छ । पूर्वराष्ट्रपति विद्यादेवी भण्डारीलाई एमालेको वरिष्ठ नेता बनाइएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
